Bazar , Yanvar 17 2021
Ana səhifə / Aktual / Hadrut ətrafında yaralı düşmən əsgəri ələ keçdi, zabitimiz ona ilkin tibbi yardım göstərdi

Hadrut ətrafında yaralı düşmən əsgəri ələ keçdi, zabitimiz ona ilkin tibbi yardım göstərdi

Əvvəllər Hadrut rayonunun inziabati ərazisinə daxil olan, hazırda isə Xocavəndin tərkibində olan Köhnə Tağlar kəndi ətrafında erməni silahlılarına qarşı keçirilən əməliyyat zamanı bir düşmən əsgəri yaralı ələ keçib. Bu barədə videokadrlar sosial şəbəkələrdə tirajlanmaqdadır.

Kadrlardan məlum olur ki, erməni əsgəri qarnından yaralanıb və əsgərlər onun bağırsağının çölə çıxdığını deyirlər. Yaralı düşmən əsgərinə Azərbaycan ordusunun zabiti ilkin tibbi yardım göstərir, ağrıkəsici vurur və yarasını bağlayır. “Qorxma, sənə kömək edəcəyik, ölməyəcəksən”,-döyüşçülərdən biri düşmən əsgərini sakitləşdirir.

Bildirilir ki, həmin düşmən əsgəri hərbçilərimizə əl qumbarası atmağa cəhd edərkən yaralanıb və tutulub. Yaralı düşmən əsgərinin əməliyyat olunmaq üçün hospitala göndərildiyi deyilir.

Xəbər verildiyi kimi noyabrın 10-da hərbi əməliyyatların dayandırılmasından sonra Xocavəndin Hadrut qəsəbəsindən 35 kilometr məsafədə yerləşən Çaylaqqala və təxminən 25 kilometr məsafədə yerləşən Köhnə Tağlar kəndlərində bir qrup erməni yaraqlısı qalmışdı. Həmin kəndlər hər tərəfdən Azərbaycan ordusunun nəzarətindədir, bununla belə Şuşanın Turşsu kəndi istiqamətindən gələn, çətin keçilən dağ yolu ilə ermənilər ora əlavə qüvvə gətirərək son günlər Hadrut ətrafında terror xarakterli diversiya əməlləri törədirdilər. Nəticədə Azərbaycan ordusu dünən axşam həmin kəndləri nəzarət altına alıb. Bu haqda erməni tərəfi bildirir. Azərbaycan tərəfi hələlik məsələyə şərh vermir.

Virtualaz.orghttps://www.youtube.com/embed/B5CXT45xkZk?fs=1&feature=oembed&&wmode=opaque

Həmçinin oxuyun

Xankəndiyə kimlər qayıdır?

Qarabağa ermənilərin qayıtması prosesi belə görünür ki, yekunlaşır. Rusiya Müdafiə Nazirliyinin yaydığı dünənki məlumata görə, …