Bazar ertəsi , Sentyabr 21 2020
Ana səhifə / Aktual / Hacı Əbdülün 30-cu Həcc ziyarəti baş tutmadı: “Ürəyim sözə baxmadı”

Hacı Əbdülün 30-cu Həcc ziyarəti baş tutmadı: “Ürəyim sözə baxmadı”

Bir neçə müddət bundan əvvəl “Tövbə” cəmiyyətinin sədri Hacı Əbdül Əbdülov saytımıza açıqlamasında 30-cu dəfə Həcc ziyarətinə gedəcəyini söyləmişdi. Hətta, oğlu Hacı Əbdülü də aparacağını demişdi. Lakin əldə etdiyimiz məlumata görə, bu ilki Həcc ziyarətinə getməkdən imtina edib.
 Məsələ ilə bağlı Hacı Əbdül Əbdülov Modern.az saytına açıqlama verib.
 “Bu il Həcc ziyarətinə gedə bilmədim. Həcc ziyarətinə getməməklə bağlı qərarımı bir ay bundan əvvəl verməli oldum. Çünki ürəyimdə yaranan problemlə bağlı xarici ölkələrdən birinə müalicəyə getmişdim. Həkimlər ürəyimin qeydinə qalmağımı, uzun səfərlərdən uzaq olmağımı məsləhət gördülər. Belə deyək də, ürəyim sözə baxmadığından Həcc ziyarətinə gedə bilmədim”.
 Hacı Əbdülün sözlərinə görə, bu il Həcc ziyarətinə gedəsi olsaydı, rekordu təzələyəcəkdi:
“Ürək yaman şeydir. İnsanı qəfil yerdə yaxalayır. Əgər bu dəfə Həcc ziyarətinə gedəsi olsaydım, 30-cu Həcc ziyarətim olacaqdı. Son illərdə oğlumu da özümlə aparırdım. Bu il mən gedə bilmədiyimə görə, o da Həcc ziyarətinə gedə bilməyib”.
Hacı Əbdül Həcc ziyarətinə gedə bilməsə də, bir çoxlarının bu ziyarəti gerçəkləşdirməsini xüsusi vurğulayıb:
“Bütün müsəlmanlar Allahın evini ziyarət etməlidirlər. Allahın evi pak və təmiz yerdir. Allah evini ziyarət edənlər də pak və təmiz olurlar”.

Həmçinin oxuyun

Azərbaycanda ehtiyatda olan hərbi vəzifəlilərin təlimləri başlayıb

Səfərbərlik və Hərbi Xidmətə Çağırış üzrə Dövlət Xidməti məlumat yayıb.  Məlumatda deyilir:  “Hərbi vəzifə və …