“Hərbçilər arasında böyük bir narazılıq dalğası yetişir…”- “PAST”

2020-ci ildəki 44 günlük müharibədən sonra Nikol Paşinyan və komandası günah və məsuliyyətdən yaxa qurtarmaq üçün ardıcıl olaraq “günahkarları” axtarır və “təyin edir”.

 Azinforum.az xəbər verir ki, bu haqda  qəsbkar ölkənin “Past” qəzeti yazır. “Aydındır ki, “Vətəndaş müqaviləsi”  nümayəndələri hakimiyyət dəyişikliyindən sonra müharibənin və bu müharibədə təslimçi məğlubiyyətin əsl səbəblərinin ifşa ediləcəyini yaxşı bilirlər. Bu səbəbdən öz hakimiyyətləri dövründə hər hansı bir şəkildə “cinayət” iddiaları uydurmağa, odlu “ittihamçı” ifadələr səsləndirməyə, günahı ordu rəhbərliyinə və əvvəlki hökumətlərə yükləməyə çalışırlar…  Hökumətə yaxın mənbələrimizin bildirdiyinə görə, hüquq -mühafizə orqanlarının ordunu keçmiş hakimiyyətlərin nümayəndələrinə qarşı yalan ifadələr verməyə razı salmaq cəhdlərinin hamısı indiyə qədər uğursuzluqla nəticələnib. Hakimiyyət hətta müəyyən vədlər bahasına belə, bu məqsədə çata bilmir. Üstəlik, əldə etdiyimiz məlumata görə, orduda hərbçilər arasında böyük bir narazılıq dalğası yetişir”- erməni qəzeti belə yazır.