Cümə axşamı , Mart 28 2024
Ana səhifə / Aktual / “Hər şey superdi…” – Arvadını döydüyü üçün həbs olunan idmançı + Video

“Hər şey superdi…” – Arvadını döydüyü üçün həbs olunan idmançı + Video

Arvadını döydüyü üçün həbs edilən kikboks üzrə dünya çempionu Anar Süleymanov azadlığa buraxılması üçün apellyasiya şikayəti verib.

“Qafqazinfo”nun verdiyi xəbərə görə, onun şikayətinə Bakı Apellyasiya Məhkəməsinin hakimi Faiq Qasımov baxıb və Nərimanov rayon məhkəməsinin qərarı dəyişdirilmədən qüvvədə saxlanılıb. A.Süleymanov həbsdə qalıb. Prosesdən sonra A.Süleymanov məhkəmə önündə dostları ilə görüşüb video çəkdirib.

Görüntülərdən aydın olur ki, məhkəmə qərarı ilə 20 gün müddətinə inzibati qaydada həbs olunan A.Süleymanova xüsusi nəzarət olunmur. O, dostları ilə danışıb video-müraciət etdikdən sonra sərbəst formada polis maşınına doğru gedir. 

Qeyd edək ki, A.Süleymanov Daxili İşlər Nazirliyinin Baş İctimai Təhlükəsizlik İdarəsinə tabe olan inzibati həbs olunanların saxlanma məntəqəsində cəzasını çəkir. Onun məhkəməyə gətirilib-aparılmasını həmin qurum həyata keçirir.


Həmçinin oxuyun

Quru sərhədlərin açılmaması ilə bağlı yeni versiyalar: Hökumət nədən çəkinir?

Azərbaycanın quru sərhədlərinin daha üç ay bağlı qalması ilə bağlı qəbul edilən axırıncı qərardan sonra …