Ermənistan hökuməti Gümrü şəhərində yerləşən 102 saylı Rusiya hərbi bazasına növbəti dəfə əlavə ərazi ayırmaq niyyətindədir. Musavat.com-un məlumatına görə, bu barədə “Joxovurd” nəşri xəbər yayıb.
Qəzetə bəlli olub ki, müvafiq anlaşma layihəsi artıq hökumətin 26 mart tarixli növbəti iclasının gündəliyinə salınıb.
Həmin sənədə görə, Rusiya tərəfinə Gümrü şəhərinin Lalayan küçəsindəki 9 saylı hərbi kvartala bitişik ərazilər veriləcək. O sırada söhbət həmçinin, rus kilsəsinin də yerləşdiyi torpaq sahəsi və tikililərlə birgə ona bitişik ərazilərdən gedir.