Parlament seçkilərinin keçirilməsinə qalan vaxt qısaldıqca yerlərdəki məmurların maraqlı və qanunvericiliklə uzlaşmayan hərəkətləri daha çox nəzərə çarpır. Azinforum.az-ın əməkdaşları həftənin bazar günü İsmayıllı rayonunun İvanovka kəndində maraqlı halın şahidi olublar. Əməkdaşlarımızın verdiyi məlumata görə, iş gününə təsadüf etməyən həmin tarixdə qonşu Göyçay rayonunu bir qrup rəsmisi İvanovkadakı gölün qırağındakı restoranda qeyri – formal toplantı keçiriblər. İçki məclisi ilə davam edən həmin toplantıda iştirak edənlərin arasında qadın rəsmilər də olub.
Yerli sakinlər toplantıya rəhbərlik edən şəxsin Göyçaydan seçilən millət vəkili olduğunu bildirsələr də, biz həmin adamı sözügədən bölgədən seçilən millət vəkillərindən heç birinə oxşatmadıq. Toplantının gedişində xanımlardan birinin təzyiqi də qalxıb. Masa arxasında oturanların yardımından sonra həmin xanımın səhəti normallaşıb. Keçirilən “iclasdakı” şüuarlar elə hündürdən səsləndirilib ki, ətarfda əyləşənlərin hamısı tərəfindən eşidilib və əsasən də seçkini əhatə edib. Ən maraqlısı isə, Göyçay rəsmilərinin niyə öz rayonlarında deyil, istirahət günündə İvanovkadakı restoranda tədbir keçirmələridir. Bazar günü olmasına baxmayaraq, restoranın həyətində Göyçay seriyası ilə bir neçə AA nömrəli avtomobil də olub.
Məsələni aydınlaşdırmaq üçün, Göyçay rayon İcra Hakimiyyəti ilə əlaqə saxlamaq cəhdlərimiz alınmadı. Onların da mövqeyini dinləməyə hazırıq.
Azinforum.az olaraq sözügedən toplantıya aid fotoları təqdim edirik.