Şənbə , Sentyabr 22 2018
Ana səhifə / Aktual / Gəncə Dövlət Filarmoniyasına yeni direktor müavini təyin olunub – Açıqlama

Gəncə Dövlət Filarmoniyasına yeni direktor müavini təyin olunub – Açıqlama

Gəncə Dövlət Filarmoniyasına yeni direktor müavini təyin olunub.
Mədəniyyət Nazirliyinin İnformasiya və ictimaiyyətlə əlaqələr şöbəsinin müdiri İntiqam Hümbətov “Report”a bildirib ki, Gəncə Dövlət Filarmoniyasının direktoru Samir Cəfərov nazirliyin rəhbərliyinə müraciət edərək yaradıcılıq fəaliyyətinin davam etdirilməsi, genişləndirilməsi səbəbi ilə vəzifəsindən azad olunmasını xahiş edib: “Nazirlikdən məsələyə baxılıb və o, vəzifəsindən azad olunub”.
İ.Hümbətov əlavə edib ki, Gəncə Dövlət Filarmoniyasına yeni təyinat olub: “Gəncə Dövlət Filarmoniyasının xalq çalğı alətləri orkestrinin bədii rəhbəri Elçin Emin oğlu Elçiyev müvafiq təqdimata uyğun olaraq, Gəncə Dövlət Filarmoniyasının direktor müavini təyin edilib. Hazırda kollektivə müvəqqəti olaraq rəhbərliyi direktor müavini həyata keçirir”.

Həmçinin oxuyun

Konstitusiya Məhkəməsi xarici valyuta ilə götürülən kreditlər haqda – QƏRAR

Fərhad Abdullayevin sədrliyi ilə Azərbaycan Respublikası Konstitusiya Məhkəməsi Plenumunun xüsusi konstitusiya icraatı üzrə növbəti açıq …