Ukrayna Respublikasının peşəkar boks klubunun prezidenti , ölkəmizdə keçirilən beynəlxalq boks yarışının təşkilati işləri ilə əlaqədar respublikamıza gəlmiş çeçen əsilli Saitov Maqomedemin Moskva şəhərinə gedən zaman beynəlxalq hava limanında saxlanılıb.
Azinforum.az xəbər verir ki, bu məlumatı tanınmış Vəkil Adəm Məmmədov öz Feysbuk səhifəsində paylaşıb.
Vəkil bildirib ki, bu gün Ukrayna Respublikasının vətəndaşı olan çeçen əsilli Saitov Maqomedeminin hüquqlarının müdafiəsi üçün müqavilə bağlayıb:”S.Maqomedemin tutulmasına səbəb Ukrayna parlamentinin deputatı ilə aralarında Kiyev şəhərində küçədə anidən baş vermiş mübahisə olub”.
Vəkilin sözlərinə görə, gün ərzində Saitov Maqomedeminin harda saxlanılmasını müəyyən edə bilməyib:” Uzun çəkən axtarışlardan sonra Azərbaycan Respublikası Baş Prokurorluqdan mənə bildirildi ki, bu işlə bağlı Daxili İşlər Nazirliyinin Baş Cinayət Axtarış idarəsində araşdırılma aparılır”.
Vəkil Adəm Məmmədovun qeyd edir ki, səylərinə baxmayaraq o, müvəkkili Saitov Maqomedeminlə görüşə bilməyib:
“Ukrayna mətbuatının yazdığına görə, bu Rusiya dövləti tərəfindən onların ölkəsinə qarşı yönəlmiş təxribatdır”.