Bazar ertəsi , Noyabr 30 2020
Ana səhifə / Aktual / “Ermənistan işğal etdiyi əraziləri qaytarmalıdır” – Xameneinin müşaviri

“Ermənistan işğal etdiyi əraziləri qaytarmalıdır” – Xameneinin müşaviri

“Azərbaycanın bir milyondan çox qaçqın və köçkünü evlərinə qayıtmalıdır”.

“ Azinforum.az ” xəbər verir ki, bu sözləri İran İslam Respublikasının ali dini rəhbəri Ayətullah Əli Xameneinin beynəlxalq məsələlər üzrə müşaviri Əli Əkbər Vilayəti “YJC” agentliyinə müsahibəsində deyib.

“Dövlətlərin ərazi bütövlüyü prinsipinə hörmət edirik. İran BMT-yə üzv bir dövlət olaraq bu mövzuda prinsipial mövqeyinə sadiqdir. Xüsusilə ziddiyyətli ölkələr şimal qonşularımızdırsa…”-deyə, Vilayəti qeyd edib.

Xameneinin müşaviri bir ölkənin ərazisini digər bir ölkənin işğal etməsinin yolverilməz olduğunu vurğulayıb.

“Azərbaycan Respublikasının Dağlıq Qarabağ və ona bitişik yeddi bölgəsi işğal edilmişdir. BMT bu mövzuda dörd qətnamə qəbul etmişdir. Hamısı Ermənistandan işğal olunmuş torpaqları tərk edib beynəlxalq sərhədlərə qayıtmağı tələb edir”,-deyə Vilayəti bildirib.

Vilayəti eyni zamanda bütün BMT üzv dövlətlərinin beynəlxalq hüquq normalarına və BMT Təhlükəsizlik Şurası qətnamələrinin tələblərinə əməl etməli olduğunu qeyd edib: “Tehran Ermənistanın işğal olunmuş ərazilərinin Azərbaycan Respublikasına qaytarmasının tərəfdarıdır. Bir milyondan çox azərbaycanlı torpaqlarını tərk etmək məcburiyyətində qalıb. Bu insanlar evlərinə qayıtmalıdırlar”.

Həmçinin oxuyun

Əsgərlərimiz Ermənistan bayrağını erməninin özünə endirtdirdilər – VİDEO

Azərbaycan və Ermənistanın Kəlbəcər rayonu ərazisindən keçən dövlət sərhədlərinin demarkasiyası zamanı maraqlı hadisə baş verib. …