Erməni mahnısı ifa edən Aytac: ” Xoşuma gəldi, oxudum”

Müğənni Aytac Vidadiqızı erməni mahnısı ifa etməsinə aydınlıq gətirib.

Azinforum.az Yenicag.az-a istinadla xəbər verir ki, o, özünə haqq qazandırıb.

“Mən bu mahnını dörd il əvvəl oxumuşam. Başa düşmürəm ki, indi niyə müzakirə olunur? Bu söhbəti ortaya atanlar məni istəməyənlərdir. Özü də bu mahnını məndən başqa oxuyan müğənnilər də var. Heç onların adını çəkən yoxdur, amma mənim adım hallanır. Elton Hüseynəliyev də bu mahnını oxuyub. Qaldı ki, mahnının erməni musiqisi olmasına… Elə deyirlər, amma bu, məni maraqlandırmır. Ermənilər bizim mahnılarımızı oğurlayıb öz adlarına çıxırlar. Mən də bu mahnını elə öz mahnımız kimi oxumuşam. Xoşuma gəldi, sözlərini dəyişib oxudum. Bütün ladlar bizə məxsusdur”.

Qeyd edək ki, Aytacın repertuarına daxil etdiyi “Balam” adlı mahnının erməni musiqisinin plagiatı olduğu bildirilir. Mahnının orijinal versiyası 4 il bundan əvvəl erməni müğənni Vaçe Amaryan tərəfindən səsləndirilib.