Bazar , Avqust 18 2019
Ana səhifə / Elzadan heyvanlara “xəyanət” – Fotolar

Elzadan heyvanlara “xəyanət” – Fotolar

Ötən gün Elza Seyidcahan “Ər quyusu” filminin təqdimatına xəz dəridən hazırlanmış üst geyimlə qatılıb.

Qafqazinfo” xəbər verir ki, daim heyvanların müdafiəsi ilə bağlı açıqlamalar verən, hətta onların qarşısında konsert proqramı ilə çıxış edən əməkdar artistin kürk geyinməsi birmənalı qarşılanmayıb.

Sosial şəbəkə istifadəçiləri müğənninin bu addımını qınayıblar və tənqid ediblər.

Qafqazinfo” mövzu ilə bağlı Elza Seyidcahanla əlaqə saxlayıb.

Əməkdar artist söyləyib ki, o, yalnız ölmüş heyvanların dərisindən hazırlanmış kürklərdən istifadə edir:

“Kürk həqiqidir. Allah insanlara buyurub ki, heyvanların ətini yeyin, dərisindən istifadə edin. Heyvan ölürsə, dərisindən istifadə ediriksə, bu, heyvanları sevməməyimiz anlamına gəlmir. Heyvan öləndən sonra dərisi nəfəs alır, canlı olur. Onları da yaşatmaq lazımdır, bu da bir gözəllikdir. İnsanlar heyvanların ətindən, sümüyündən istifadə etməlidir. Hətta, elə heyvanlar var ki, onların dırnağı və bağırsağı belə yeməlidir.

Avropa, Hollivud ulduzları kürk geyinməkdən imtina edirlər. O demək deyil ki, həmin ulduzlar bizə nümunədir? Mən onların xüsusiyyətlərini bəyənmirəm. Həmin ulduzlar filmə çəkilirlər, səhər isə rəfiqəsinin ərini əlindən alırlar. Baxmırlar ki, həmin kişi 3 uşaq atasıdır. Bunun da adını qoyurlar ki, sevgidir. Heyvanlar onların etdiyi əməlləri heç vaxt etməzlər.

Elza Seyidcahan heyvanlar üçün konsert verib. Səbəb isə heyvanların yaxşı xüsusiyyətlərini insanların qavramasıdır. İndi mənim kürk geyinməyim problem olub. Niyə yun yorğan-döşəkdən istifadə edirik? Coliyə deyirəm, niyə qoyun yunundan köynəklər geyinir? O heyvanların da qanı tökülüb”.

 

Elzadan heyvanlara “xəyanət” -  Fotolar
Elzadan heyvanlara “xəyanət” -  Fotolar

Həmçinin oxuyun

“İkinci arvad kişinin ömrünü uzadır”

Evli qazaxların özlərinə sevgili tapmaları yaxşıdır. Bunu qazax etnoqraf “Altın Alka” çoxuşaqlı analar cəmiyyətinin idarə …

Bir cavab yazın