Elnur Kardaşyanın bacısı ilə bir səhnədə – Duet oxuyacaqlar

Bu gündən etibarən Antalyada start götürən “Dosso Dossi Fashion Show”nun gözlənilməz qonaqları olacaq.

“Qafqazinfo” xəbər verir ki, iyunun 14-nə kimi davam edəcək dəfilədə sabah podyuma çıxanlar arasında məşhur model, Kim Kardaşyanın kiçik bacısı Kendall Jenner də olacaq. Məşhurların da qatılacağı şouda dünya ulduzları da çıxış edəcək. Ən maraqlısı isə dəvətlilər arasında Azərbaycanı builki “Eurovision”da təmsil edən Elnur Hüseynov və rusiyalı müğənni Filipp Kirkorovun da olmasıdır.

Şounun təşkilatçısı olan Hikmet Eraslan isə Kendall Jenner ilə Elnur Hüseynovun duet oxuyacağını bildirib.

Qeyd edək ki, Türkiyə mətbuatı Jennerin Antalyada podyumda 15 dəqiqəlik şou üçün 150 min lirə istədiyini yazıb.

• 
• 
• 
• 
•