“Eks bacanaqlar”ın Xəyaləsi: “Ərim dedi ki, boşansaq da…” – FOTOLAR

Uzun müddət ATV-nin siması olan, hazırda “Xəzər” televiziyasında “Rahat ev” verilişini təqdim edən Aysel xanımla söhbətə elə yeni proqramından başladıq:

– Əvvəllər ATV-də idman xəbərlərini təqdim edirdim. Sonra seriallardan təklif gəldi, mən də özümü aktrisa olaraq sınamaq istədim. Çünki aktrisalığa həvəsim uşaqlıqdan var idi. Ona görə xəbər aparıcılığından uzaqlaşdım. Bir müddət öncə prodakşınların birindən “Rahat ev” verilişinə dəvət aldım. “Rahat ev” bir yeni, digəri isə onun təkrarı olmaqla, həftədə iki dəfə yayımlanır, interyer verilişidir, ev təmiri ilə bağlı məlumatlar veririk. Hələ ki, proqramla bağlı xoş sözlər eşidirəm, tənqid edən, irad bildirən olmayıb.

– Bu normaldır, qalmaqal insanların diqqətini cəlb edir, məşhurların həyatı onlarda maraq yaradır. “Rahat ev”in isə öz izləyici kütləsi var, reytinq cədvəlində tutduğu yer də məni qane edir.

– Mənim də yeni mövsümdə baş verəcək hadisələrdən xəbərim yoxdur. Ötən gün ssenaristdən soruşdum ki, yeni mövsüm necə olacaq? Cavab verdi ki, özü də bilmir, yay tətilindən qayıdandan sonra rahat-rahat ssenari yazacaq. Sürprizdir, amma bilirəm ki, yenə çox maraqlı və gülməli olacaq.

– Düşünürəm ki, bu reklamlar insanlarda qıcıq yaratmamalıdır. Sponsora görə bunu etmək məcburiyyətindəyik. Sponsor olmasa, serial da olmaz.

– Hər bazar günü reytinqlərdə birinciyik. “Eks bacanaq”ları böyükdən-kiçiyə hər kəs izləyir. İnsanların bizi görən zaman verdiyi reaksiya serialın sevildiyini göstərir. İnsanlar mənə yaxınlaşır, foto çəkdirir, serial barədə xoş təəssüratlarını bildirir. Hətta, uşaqlar məni küçədə görəndə “Xəyalə, Xəyalə” deyə qışqırırlar. Bəzən isə qadınlar mənə “Taleh səni aldadır, gözünü aç” deyirlər. Keçən dəfə bir qadın məndən soruşdu ki, doğrudan serialdakı kimi yemək bişirə bilmirsən? Onun bu sualı məni sevindirdi. Düşündüm ki, tamaşaçıya rolumu yaxşı çatdıra bilmişəm. Çünki serialda oynamaq təklif olunanda çox tərəddüd etmişdim. Serial 7 ildir ki, yayımlanır, tamaşaçıların sevgisini qazana bilib-bilməyəcəyim məni narahat edirdi. Xoşbəxtlikdən rolumu insanlara sevdirə bildim, məni “Eks bacanaqlar” ailəsi də, tamaşaçılar da qəbul etdi. Yaxşı ki, bu ekran işində rol alıram.

– Xəyalə ilə Aysel arasında fərqlilik çoxdur. Xəyalə iş görməyi, yemək bişirməyi bacarmır. Mən isə evdarlığı bacarıram, vaxt tapdıqca gözəl yeməklər bişirirəm. Oxşarlığa gəldikdə isə ikisi də yalan danışmır. Serialda Xəyalə Talehə heç vaxt yalan demir. Mən də həyatda doğruları danışıram.

– Yaşlı nəsil gənclərə qısqanclıqla yanaşır. Əslində isə bizə nümunə olmalı, bilmədiyimizi öyrətməlidirlər. İllər sonra mən bəzi sənətkarlardan fərqli olaraq gənclərə qısqanclıqla yanaşmayacağam, bildiklərimi başqalarına da öyrədəcəyəm. Dünyaca məşhur ulduzların çoxu incəsənət üzrə təhsil almayıb. Əsas insanın içərisində olan istedaddır, onu üzə çıxarmaq lazımdır. Mən xarici dil üzrə ali təhsil almışam. Azərbaycan dilini lazımi səviyyədə bildiyim üçün xəbər aparıcısı kimi fəaliyyət göstərmişəm. Aktrisalıq üçün təhsil almaq vacib deyil. Əsas odur ki, insan istedadlı olsun.

– Heç vaxt ikinci həyat yoldaşı olmağa razı olmaram.

– Əlbəttə, qəbul etmərəm. Mənim olan mənimdir, kiminləsə bölüşə bilmərəm. Mən həyat yoldaşıma aid olduğum kimi, o da mənə aid olmalıdır.

– Qane edir. Azərbaycanda kinoya, seriala qoyulan maliyyə yetərli deyil. Xarici ölkələrə baxanda Azərbaycanda aktrisaların aldığı qonorar çox azdır. Lakin Azərbaycanda aktrisalardan az qazanmıram. Baş rol ifaçısıyam. Digər aktrisalardan az qonorar alsam, narazılıq edərdim.

– Məndən müsahibə aldılar, qəşəng fotossesiya etdilər. Təbii ki, onlara xoş gələn ilk öncə xarici görünüşüm oldu. Amma mən düşünürəm ki, insanın xaricini gözəlləşdirən daxilidir. İnsan daxilən təmiz olanda ətrafına da gözəllik saçır. Əsas ruh gözəlliyidir. İnsanlar ilk baxışda mənim özümdən razı biri olduğumu düşünür. Tanıdıqdan sonra fikirləri dəyişir. Mən sadə, səmimi və ünsiyyətçiləm. Bu da insanları cəlb edir.

– Kompleksim yoxdur. İndiyə kimi əməliyyatla xarici görünüşümdə dəyişiklik etməmişəm. Əməliyyata qarşı deyiləm. Amma mən aktrisayam, üz mimikalarımdan istifadə etməliyəm. Məncə, aktrisa üzündə dəyişiklik etməməlidir.

– Ona görə də üzlərində hissdən, duyğudan əsər-əlamət yoxdur. “Avropa yakası” serialında bir obraz var idi, o qədər əməliyyat etdirmişdi ki, üz cizgiləri tərpənmirdi. Özü deyirdi ki, “şu anda çok mutluyum” və ya “şu anda çok üzgünüm”. Çünki üz ifadəsi dəyişmirdi. Gərək, aktrisanın mimikası itməsin.

– Ötən il mənə Türkiyədən film təklifi gəldi, “Eks bacanaqlar”da oynayırdım deyə razılaşmadım. Yenə iki təklif gəlib, gedib təşkilatçılarla görüşəcəyəm. Türkiyənin tanınmış sənət adamlarının rol alacağı ekran işi olacaq, amma ad çəkə bilmərəm.

– “Eks bacanaqlar” mənim ilk komediya janrında olan serialımdır. Ondan öncə rol aldığım serial və filmlər dram idi. O zaman da mənə rahat idi. “Motor” deyiləndə mən Aysel olmuram, Xəyalə, Nərgiz, Zümrüd oluram. Birinci bütün ssenarini oxuyuram, özümü hazırlayıram. Ona görə də mən çəkiliş zamanı Aysel olmuram, tam rola girə bilirəm.

– Komediyada daha çox sevdilər, çünki o biri ekran işlərini bu qədər çox insan izləmirdi. “Region” televiziyasında yayımlanan “Sənin deyil” serialını da tamaşaçılar sevə-sevə izləyirdi. “Eks bacanaqlar” serialını isə daha çox insan izləyir.

– Siyasəti izləyirəm. Ümumiyyətlə, ölkədə və dünyada baş verənlərdən məlumatlı olmağa çalışıram. İctimai insansansa, bunları bilməlisən. YAP-ın üzvüyəm, mənə təntənəli şəkildə vəsiqəmi təqdim etdilər. Onların tədbirlərində iştirak edirəm, çəkdikləri video çarxda da oynamışdım.

– “Yerində dur” bir layihədir. Deputat Adil Əliyev, idmançı Eduard Məmmədov, iş adamı Rəvan Bəşirov da o çarxda rol almışdı. Mən də övladım Hakan Canla çəkilmişdim. Sosial işlərə qoşulmağı sevirəm.

– Oğlum qısqanc deyil. İki gün öncə Gəncədə ziyarətgahda idik, oradan çıxanda camaat mənimlə şəkil çəkdirirdi. Oğlum mənə dedi ki, o da tanınmaq istəyir, insanların onunla da şəkil çəkdirməyini arzyulayır. Sanki, mənimlə yarışır. “Can bala” qrupunda mahnı oxuyur, idmanla məşğul olur. “Eks bacanaqlar”da da 2 seriyada rol alıb. Onun da bu sahəyə marağı var. Bir ara başım serial çəkilişlərinə, layihələrə qarışdı, aparıcılıqdan uzaqlaşdım. Oğlum mənə dedi ki, səni aparıcı olaraq görmək istəyirəm, verilişin olsun, səni izləyim. Məni ekranda görəndə televizoru qucaqlayıb öpür.

– Mən istəyirəm ki, o, hər tərəfli böyüsün, həvəsi olan sahəyə üz tutsun. Musiqi, idmanla məşğuldur, əlavə müəllim də tutmuşam, dərsləri də əladır. Bülbül adına Orta İxtisas Musiqi Məktəbini də özü qazandı. Bunun da  ona böyük təsiri olacaq. Hansı sahə üzrə qabiliyyəti varsa, oraya üz tutsun. Mən qarışmayacağam. Mənim valideynlərim həkim olmağımı istəyirdilər. Mən də dərs oxumaq əvəzinə güzgünün qabağında aparıcılıq edirdim. Sonra həvəsim xarici dilə oldu, təhsil aldım. İndi isə öz sevdiyim işlə məşğulam. Ona görə Can hansı peşəni seçsə, dəstək olacağam. Mənim valideyn olaraq üzərimə düşən vəzifə onu doğru yetişdirməkdir.

– Biz dalaşıb, qalmaqalla ayrılmamışıq, müəyyən problemlər oldu, ayrılmaq istədiyimi dedim, razılaşdı. Hazırda münasibətlərimiz əladır. Sabah (bu günü nəzərdə tutur) mən oğlumla Moskvaya gedirəm. Keçmiş həyat yoldaşım da Türkiyədən gələcək. Üçümüz birlikdə istirahət edəcəyik. Boşansaq da, düşmən deyilik. Oğlumuz üçün tez-tez bir araya gəlirik. Əsas oğlumun xoşbəxtliyidir, onu atasından məhrum etmərəm. Bəzi qadınlar ayrılandan sonra uşağını həyat yoldaşı ilə arada qoyur, onu seçim etməyə məcbur edir. Mən o qadınlardan deyiləm.

– Bu işlər Allahın qismətidir. Amma hələ ki, bu halın baş verəcəyini düşünmürəm.

– Yenidən ailə qurmağı da düşünmürəm. İnsan bir dəfə ailə qurub yanılandan sonra ikinci dəfə risk etmir. İkinci dəfə evlənsəm, gərək ömürlük olsun. O zaman nə olsa da, ayrıla bilməyəcəyəm. Yalnız axtardığım insan qarşıma çıxanda ailə quraram və bilərəm ki, heç vaxt ayrılmayacağam.

– O da ailə qurmaq haqda düşünmür. Biz boşananda dedi ki, boşansaq da, nə sən, nə mən bir də ailə qurmayacağıq. Amma evlənsə, onun adına sevinərəm. Gənc adamdır, əlbəttə, ailəsinin olmasını istəyə bilər. Uşağımın atasıdır, xoşbəxt olmasını istəyirəm.