Bazar ertəsi , Oktyabr 21 2019
Ana səhifə / Aktual / Dövlət Miqrasiya Xidməti: 12 əcnəbinin vətəninə könüllü qayıdışı təmin edilib

Dövlət Miqrasiya Xidməti: 12 əcnəbinin vətəninə könüllü qayıdışı təmin edilib

Azərbaycandan miqrantların könüllü qayıdışına yardım üzrə pilot layihə çərçivəsində DMX tərəfindən Beynəlxalq Miqrasiya Təşkilatına 16 nəfərlə bağlı, ümumilikdə, 12 sorğu göndərilib və həmin şəxslərdən 12-nin öz mənşə ölkəsinə könüllü qayıdışı artıq həyata keçirilib.

DMX-dan verilən məlumata görə, bunu Dövlət Miqrasiya Xidmətinin rəisi Vüsal Hüseynov Beynəlxalq Miqrasiya Təşkilatının (BMqT) Cənub-Şərqi Avropa, Şərqi Avropa və Mərkəzi Asiya üzrə regional direktoru Argentina Sabadoşla görüşündə deyib.

Görüşdə BMqT-nin Azərbaycandakı Nümayəndəliyinin rəhbəri Serhan Aktoprak da iştirak edib.

Qarşılıqlı fikir mübadiləsi şəraitində keçirilən görüşün məqsədi DMX-nin əsas beynəlxalq tərəfdaşlarından olan və 2016-cı ildə BMT ailəsinə rəsmən qoşulmuş BMqT ilə əməkdaşlığın perspektivlərinə dair müzakirələrin aparılması olub.

Xidmət rəisi miqrasiyanın idarəedilməsi sahəsində DMX-nin əsas tərəfdaşlarından birinin BMqT olduğunu və təşkilatın ölkədəki fəaliyyəti çərçivəsində bir çox layihələrin həyata keçirildiyini bildirib.

V.Hüseynov DMX üçün əsas prioritetin mövcud beynəlxalq əməkdaşlığın daha da dərinləşdirilməsindən, miqrasiya sahəsində Azərbaycanın qlobal səviyyədə mövqeyinin möhkəmləndirilməsindən ibarət olduğunu vurğulayıb.

Argentina Sabadoş təmsil etdiyi təşkilatın 22 ildir Azərbaycanda fəaliyyət göstərdiyinə və 2001-ci ildən Azərbaycanın üzvü olduğu BMqT ilə birgə reallaşdırılan layihələr və onların əhəmiyyətinə diqqət çəkib. Ölkəmizə 2016-cı ildə etdiyi səfərini xatırladıb. Azərbaycanda mövcud olan miqrasiya idarəçiliyi modelinin digər ölkələr üçün nümunə ola biləcəyini qeyd edib.

Görüşdə qarşılıqlı maraq doğuran digər məsələlər haqqında ətraflı fikir mübadiləsi aparılıb.

Həmçinin oxuyun

Sabiq nazirin şirkətinə 12,4 milyon manatlıq sifariş

Bakı Şəhər Mənzil-Kommunal Təsərrüfatı Departamenti kommunal təyinatlı maşın və mexanizmlər alır. Departament satınalma müqaviləsini sabiq …