Çərşənbə axşamı , Noyabr 24 2020
Ana səhifə / Aktual / Dövlət Agentliyinin işçiləri ağacları niyə çıxarıb?

Dövlət Agentliyinin işçiləri ağacları niyə çıxarıb?

“Azərbaycan Avtomobil Yolları” Dövlət Agentliyi (AAYDA) Yasamal rayonu, Ələsgər Ələkbərov küçəsində yeni əkilmiş ağacların qurum əməkdaşları tərəfindən çıxarılması ilə bağlı açıqlama yayıb. 

Qurumun mətbuat xidmətinin rəhbəri Anar Nəcəfli “Qafqazinfo”ya açıqlamasında bildirib ki, həmin ərazidə dövlət əhəmiyyətli yol salınır və kimlərsə icazəsiz olaraq sözügedən yolda ağac əkib:

“Artıq yolda təmir işləri yekunlaşmaq üzrədir. Piyadalar üçün səki salınması nəzərdə tutulan yerə kimsə bilərəkdən ağac əkib. Ərazidə qanunvericiliyə əsasən köçürülmə işləri aparılıb, obyektlər sökülüb. Ekologiya və Təbii Sərvətlər Nazirliyinin rəyi əsasında ərazidə olan ağaclar başqa yerlərə köçürülüb.

Artıq yolun yenidən qurulması işləri son mərhələsindədir. Bizim əməkdaşlar orada düzəldiləcək səkinin yerində ağac əkənlərə xəbərdarlıq etsələr də, onlar buna məhəl qoymayıb. Belə olan halda əməkdaşlarımız həmin ağacları özləri çıxarmağa məcbur olublar. Bir daha qeyd edirəm ki, biz həmin şəxslərin səkinin yerində ağac əkməkdə məqsədlərinin nə olduğunu bilmirik”.

Həmçinin oxuyun

PUA-ları Qarabağda dayandırmaq mümkün olmadı – Fransız nəşri

Ermənilərin əlində olan Rusiya hava hücumundan müdafiə sistemləri çoxməqsədli olmalarına baxmayaraq, Qarabağda PUA-ları dayandıra bilmədi. …