Cümə axşamı , Dekabr 3 2020
Ana səhifə / Aktual / “Diriliş Ərtoğrul” və “Qurdlar Vadisi” seriallarının yayımı qadağan edilib

“Diriliş Ərtoğrul” və “Qurdlar Vadisi” seriallarının yayımı qadağan edilib

Birləşmiş Ərəb Əmirlikləri (BƏƏ), Səudiyyə Ərəbistanı və Misirdə Türkiyə istehsalı olan daha iki serialın yayımı qadağan edilib. AYNA Türkiyə mətbuatına istinadən xəbər verir ki, qərar Misirdə ölkənin rəsmi və ən böyük fətva orqanı olan Yüksək Fətva Şurası (Darül-İfta) tərəfindən verilib.

Şuranın açıqlamasında “Diriliş Ərtoğrul” və “Qurdlar Vadisi” seriallarının Yaxın Şərq ölkələrində yayımlanmaması qeyd olunub və Türkiyənin bu seriallar vasitəsilə Yaxın Şərqdə nüfuz qazanmaq istədiyi vurğulanıb.

Misir Yüksək Fətva Şurasının bəyanatında Türkiyə Prezidenti Rəcəb Tayyib Ərdoğan da açıq şəkildə hədəfə alınıb. Prezident Ərdoğanın Yaxın Şərqdə Osmanlı dövlətinin hegemonluğunu yenidən dirçəltmək istədiyi iddia edilib: “Ərdoğan bu seriallar vasitəsilə ərəb ölkələrində nəzarəti yenidən bərpa etməyə çalışır”.

Qeyd edək ki, “ərəb baharı” iniqlabından sonra Əbdulfəttah əs-Sisinin hərbi çevrilişlə hakimiyyətə gəlməsindən sonra Misir İsrail, Yunanıstan və Cənubi Kipr Respublikası ilə müttəfiqlik siyasəti yürütməyə başlayıb.

Həmçinin oxuyun

Kəlbəcərin Zod qızıl yatağının görüntüləri

Azərbaycan Müdafiə Nazirliyi Ermənistanın işğalından azad olunan Kəlbəcər rayonunun Söyüdlü (Zod) qızıl yatağının görüntülərini yayıb. …