Çərşənbə axşamı , Mart 19 2019
Ana səhifə / Aktual / Deputat İqbal Məmmədovun oğlu “Relax”da iranlı turistləri döyüb?

Deputat İqbal Məmmədovun oğlu “Relax”da iranlı turistləri döyüb?

Lerikin deputatı İqbal Məmmədovun oğlu 31 dekabrda “Relax” istirahət mərkəzində dava salıb.

Bu barədə hadisə şahidləri AzToday.az-a məlumat veriblər.

Onlar deyiblər ki, deputatın oğlu bayram günlərində tətil etmək məqsədilə “Relax”da olub və orada istirahət edən iki iranlı ilə dalaşıb.

Mənbə bildirib ki, deputatın oğlu “butulka” ilə iranlının birinin başına zərbə endirib, digərini isə möhkəmcə döyüb.

Deputat İqbal Məmmədov AzToday.az-a açıqlamasında məlumatı təkzib edib.

O bildirib ki, bayram günlərində özü də “Relax”da olub və məlumat həqiqətəuyğun deyil: “Mən özüm də orada olmuşam, ailəvi bayramı rayonda qeyd etmişik. Oğlum heç kəslə dalaşmayıb və deyilənlər yalandır”.

”Relax” Lənkəran-Lerik yolunun 33-cü km-də yerləşir. İstirahət mərkəzi ilin bütün fəsillərində yerli və xarici turistlərə xidmət göstərir.

İqbal Məmmədov 2010-cu ilin noyabrında IV çağırış Milli Məclisə keçirilən seçkilərdə 78 saylı Lerik seçki dairəsindən deputat seçilib.

2015-ci il Azərbaycan Respublikası Milli Məclis(V çağırış) seçkilərində Yeni Azərbaycan Partiyasından namizədliyi irəli sürərək, yenidən 78 saylı Lerik seçki dairəsindən millət vəkili olaraq seçilib.

Həmçinin oxuyun

Ərdoğan Putinin dəvətini qəbul edib Krıma gedəcəkmi?

Rusiya Prezidenti Vladimir Putin türkiyəli həmkarı Rəcəb Tayyib Ərdoğanı Krımda Cümə məscidinin açılış mərasiminə dəvət …