Şənbə , Noyabr 17 2018
Ana səhifə / Aktual / Deputat Azərbaycanın himninə “ilişdi”

Deputat Azərbaycanın himninə “ilişdi”

Azərbaycan hələ müstəqil olmadığı dövrdən uşaqlarımı məcbur edirdim ki, Azərbaycanın dövlət himnini oxusunlar. Amma digər himnlər 2-2.5 dəqiqə olduğu halda Azərbaycanın dövlət himni 4 dəqiqədir. Özü də minor janrında. Bu, mərsiyə deyil axı”.

Milli Məclisin bu gün keçirilən plenar iclasında deputat Tahir Kərimli “Azərbaycan Respublikası Dövlət Himninin musiqisinin və mətninin təsdiq edilməsi haqqında” Konstitusiya qanununun müzakirəsi zamanı belə deyib.

Deputat bildirib ki, hər kəs himni sevməlidir: “Dəfələrlə deyilib ki, həcmi azaltmaq lazımdır. Bunu əzəmətli bir himnə çevirmək lazımdır. Üzeyir Hacıbəyov Azərbaycan Sovet Respublikasının himinini hazırlayıb. O, indikindən daha nikbin idi. Bunlar nəzərə alınmalıdır. Xahiş edirəm, himnin həcmi azaldılsın, yoruculuqdan xilas olsun, bədbin notlar götürülsün”. (“Report”)

VIPedu.BIZ

Həmçinin oxuyun

BDU-nun bufeti də bağlandı

Bakı Dövlət Universitetinin bufeti bağlanıb. Bu barədə Axar.az-a məlumat verən tələbələrdən birinin sözlərinə görə, onlara konkret …