Ana səhifə / DÇ-2018: Azərbaycan San-Marinonu məğlub etdi 

DÇ-2018: Azərbaycan San-Marinonu məğlub etdi 

Futbol üzrə Azərbaycan milli komandası 2018-ci il dünya çempionatının seçmə qrup mərhələsində növbəti qələbəsini qazanıb.

Robert Prosineçkinin rəhbərlik etdiyi kollektiv VIII tur çərçivəsində San Marino yığmasını böyük hesabla məğlub edib – 5:1

Əvvəlcə, 20-ci dəqiqədə Əfran İsmayılov fərqlənib – 1:0.

Azərbaycan yığmasının ikinci qolunu Araz Abdullayev vurub.

Birinci hissə 2:0 hesabı ilə başa çatıb.

İkinci hissədə, görüşün 57-ci dəqiqəsində Əfran İsmayılov dubl edib – 3:0.

Oyunun 71-ci dəqiqəsində avtoqol qeydə alınıb. Belə ki, San-Marino millisinin futbolçusu Miçel Cevoni topu öz qapısına vurub. Üç dəqiqə sonra san-marinolu futbolçu Mirko Palazzi hesab arasındakı fərqi azaldıb – 4:1.

Matçın 81-ci dəqiqəsində Rəşad Sadıqov San-Marino millisinin qapsına təyin olunmuş cərimə zərbəsini dəqiq yerinə yetirib – 5:1.

Qeyd edək ki, bu zəfər sayəsində milli yer aldığı C qrupunda 10 xalla 3-cü pilləyə yüksəlib. Yeri gəlmişkən, Azərbaycan yığması bunadək 2014-cü il dünya çempionatının seçmə mərhələsində 9 xal toplamışdı.

Onu da qeyd edək ki, VIII tura bu gün Bakı vaxtı ilə saat 22:45-də start götürəcək Şimali İrlandiya – Çexiya və Almaniya – Norveç qarşılaşmaları ilə yekun vurulacaq.

Həmçinin oxuyun

Ramiz Mehdiyev danışdı: “Cərimə olunmamışam, 60 il əvvəl maşın sürmüşəm”

Ötən gün Azərbaycan Milli Elmlər Akademiyasının (AMEA) keçmiş prezidenti Ramiz Mehdiyev barəsində inzibati iş başlanması …

Bir cavab yazın