Dərsliklərin satılmasına reaksiya – “Kitablar göndəriləcək”

Sözü gedən məktəbin direktor müavini Rahilə Abdullayeva AzNews.az-aaçıqlamasında bildirib ki, çatışmayan dərsliklərlə bağlı artıq Təhsil Nazirliyinə məlumat verilib:

“Siniflərdə neçə şagirdə hansı kitabların verilməməsi ilə bağlı siyahı tutulub və Nazirliyə məlumat verilib. Yaxın bir həftə ərzində kitablar məktəbə göndəriləcək. Biz bütün şagirdlərə kitabı dövlətimizin qərarına görə pulsuz veririk. Şagirdə heç bir kitab satılmasından söhbət gedə bilməz”.

Rahilə Abdullayeva məktəbdə şagirdlərə çatmayan dərsliklərin Yevlax rayon kitab mağazalarında satılmasına da münasibət bildirib: “Mağazalarda satılan kitablarla bağlı heç bir məlumatımız yoxdur. Heç bir məktəb mağazaya satılmaq üçün kitab verə bilməz”.

Qeyd edək ki, Yevlax rayon orta məktəblərində dərs vəsaitilərinin çatışmaması məsələsi qaldırılıb. Valideyinlər məktəbdən onlara çatışmayan kitabların pulla alınmalı olduğunu deyildiyini bildirib.