Cümə , Fevral 26 2021
Ana səhifə / Aktual / Cavuşoğlu girov götürülən 15 dənizçini İstanbulda qarşılayıb – FOTO,VİDEO

Cavuşoğlu girov götürülən 15 dənizçini İstanbulda qarşılayıb – FOTO,VİDEO

Nigeriya sahillərində heyət üzvləri dəniz quldurları tərəfindən qaçırılan 15 türkiyəli dənizçi İstanbulda Türkiyənin xarici işlər naziri Mövlud Çavuşoğlu tərəfindən qarşılanıb.

APA-nın yerli bürosunun xəbərinə görə, bu barədə Türkiyə Xarici İşlər Nazirliyi məlumat yayıb.

“Hurriyet” qəzetinin məlumatına görə, 21 gün dəniz quldurlarının əsarətində olduqlarını bildirən gəmi kapitanı Mustafa Kaya bir meşədə girov saxlandıqlarını, silahlı adamlar tərəfindən psixoloji təzyiqlərə məruz qaldıqlarını, Türkiyə XİN tərəfindən uzunmüddətli müzakirələr aparıldıqdan sonra pul qarşılığında geri qaytarıldıqlarını bildirib.

Dənizçilər onların geri qaytarılması üçün Türkiyə dövlət rəsmilərinə dəstəyinə görə təşəkkür ediblər.https://www.youtube.com/embed/xp2gMLD6C1M?rel=0&color=white&hl=az

Qeyd edək ki, yanvarın 23-də Türkiyə şirkətinə məxsus “Motsart” adlı gəmiyə Nigeriya sahillərində dəniz quldurları tərəfindən hücum edilib. Gəmidə olan 19 nəfərdən 15-i girov götürülüb, 1 nəfər öldürülüb, 3 nəfər isə gəmidə qalıb.

Öldürülən şəxs azərbaycanlı mühəndis Fərman İsmayılov Azərbaycana göndərilərək, doğulduğu Siyəzən rayonunda dəfn edilib.

Həmçinin oxuyun

Paşinyan təslim olmaq istəmir: “Mənəm satqın?”

Ermənistanın baş naziri Nikol Paşinyan ordunun və müxalifətin tələblərinə baxmayaraq hakimiyyətdən getmək istəmir. Və Yerevanda …