Azinforum.az İnformasiya Portalı Onlayn Xəbər Portalı
“Buna nə ad verək? Nə üçün susursunuz? Bunlara görəmi şəhid verir Azərbaycan. Allah bəlanızı versin. Nə olub bizə?”
“Yeni Sabah” xəbər verir ki, bu sözləri müğənni Nazənin qeyd edib. Bir müddət öncə Bakıda erməni mahnısı səsləndirənlərin videosunu paylaşan xanım ifaçı od püskürüb:
“Ermənilər Bakının düz mərkəzində. Şəhidlərin ruhu qarşısında nə cavab verək? Bu nədir? Mən dəli olacağam. Müğənnilər niyə susursunuz? Ağlamaqdan beynim dağılır, amma əlimdən heç nə gəlmir. Çox pisəm çox. Axı biz bu deyilik. Ay, jurnalistlər niyə susursunuz? Bütün günü geyləri reklam edirsiniz. unlar ermənilərdir, işıqlandırın da bunları. Bəlkə bir tədbir görüləcək. Axı nə baş verir? Şokdayam”.
Xatırladaq ki, noyabrın 6-da Bakı Şəhər Baş Polis İdarəsinin (BŞBPİ) Mətbuat Xidmətinin rəisi, polis mayoru Elşad Hacıyev bununla bağlı açıqlama verib. O bildirib ki, Bakıda təxirəsalınmaz əməliyyat-axtarış tədbirləri ilə sosial şəbəkələrdə avtomobilin içərisində erməni mahnısı səsləndirən şəxsin kimliyi müəyyən olunaraq saxlanılıb. O qeyd edib ki, faktla bağlı müvafiq olaraq araşdırmalar aparılır, təfərrüatları öyrənilir.
