Bazar ertəsi , Yanvar 18 2021
Ana səhifə / “Bu qədər yaltaqlıq olar, İlhamə?” – Flora Kərimova

“Bu qədər yaltaqlıq olar, İlhamə?” – Flora Kərimova

“İlhamə xəstədirsə sağaldın, sağlamdırsa, susdurun!”

“İlhamə Quliyevanın xəmiri yalanlarla yoğrulub. Mən indiyənə kimi onun nə rəngini, nə rəyini, nə də addımlarına münasibətini başa düşürəm. Deyir ki, o məhkəmədə qərar çıxarılan pulu guya mənə bağışlayıb. Bu boyda yalan? 3000 yazılan cəriməyə görə hər ay məndən 50-60 manat indiyə qədər “alment” alır. Bu söhbəti eşidəndən sonra Yaqutumu göndərdim ki, arayış gətirsin.Yalandan danışır ki, o pulları mənə bağışlayıb”.

Bu sözləri “Qafqazinfo”ya açıqlamasında xalq artisti Flora Kərimova müğənni İlhamə Quliyevanın müsahibəsində adının hallanmasına uydurmalarına sərt cavab verib:

“İş ki, qaldı anasına bütün Azərbaycan İlhamənin anasını döydüyünü bilir. İndiyənə kimi anana olan münasibətini qonşuları, yatdığı xəstəxana, birlikdə iştirak etdikləri məclislər danışır. Hətta Faiq Ağayevin toyunda özüm şahid olmuşam. Anası durub gedəndə yıxıldı, o özünü görməməzliyə vurub, yanından keçdi. Anasını yerdən özgə adamlar qaldırdı. Anasına əl uzatmağı özünə sığışdırmayıb, yan keçdi. Sən təbiətini və tərbiyəni kimlərdən gizlədirsən? Bu hərəkətlərinin şahidi olan millətdənmi, xalqdanmı? Hələ bu azmış kimi gündəmdə qalmaq üçün özünə məşğuliyyət tapdın. Uzağa getməyə lüzum yox idi, çünki bu mərkliyin növbəti qurbanın olan köməkçin Mehribanın başında çatladı”.

Xalq artisti qeyd edib ki, Aygün Kazımova heç kəsdən dəstək almadan bu savaşı üzərinə götürdü:

“Aygün xanım cəngavərdir. O, tək başına, özünü düşünmədən və heç kəsdən dəstək almadan, böyük bir riskə gedib bu savaşın ağırlığının altına girdi. Aygün də, mən də bu faciəyə göz yuma bilməzdik. Qabaqlar mən danışırdım, tək idim. Sözümü deyirdim, yaltaqlar üstümə gəlirdilər. Əvvəllər İlhamə ilə dalaşır, sonra əlindən öpürdülər.

Aygün və Elzaya əhsən olsun. Bilsinlər ki, onlar heç vaxt tək olmayıblar. Aygünün millətə müraciəti oldu. Dedi ki, bu tək bizim yox, artıq millətin problemidir. Əllərini öpəndə, kompliment deyəndə guya “brilliant” üzüklər bağışlayanda başa düşmürdülər ki, İlhamə hamıdan material yığır? Anlamırdılar ki, sonra bütün bu hərəkətlər onların əleyhinə olacaq?

İlhamə ilə bir tanış olan, bir də canını qurtaran sevinir. İndi inanmıram ki, kimsə ona yaxın dura. Çünki tərbiyəsiz təbiəti artıq hər kəsə bəllidir. İlhamə, bəsdir yalan danışdın! O insanlara hədə-qorxu gəlməyin çox orijinal üsulunu tapıb.

Yeri gəldi-gəlmədi, söhbətə aid olmayan bir məqamda prezidentin və onun ailəsinin adlarını çəkir. Sən öz mənəviyyətini o qədər saf və yüksək bilirsən ki, Azərbaycanı təmsil edən, ölkə olaraq sözünü deyən rəhbərin adını çəkib insanlara xof gəlirsən? İlhamə, heç kimsən… Bu qədər yaltaqlıq olar? Sən kimsən ki, prezidentin adını çəkirsən? Kimsən ki, birinci xanımdan danışırsan? Sən kimi kimlə müqayisə edisən?

Bir çox kanal və saytlara təəccüb edirəm ki, bunun cəfəngiyyatlarını susdurmaqdansa, təbliğ edirlər. Bunu kanallar, saytlar başa düməlidir ki, sənə yaxşı münasibəti olanları iyrəndirdin, pis münasibəti olanları isə hiddətləndirdin. Bu üsyan 10 illərlə yığıldı. Axırda biz yox, Aygün, Elza yox, millət partladı və ayağa qalxdı. Bu birbaşa millətin başına oyun gətirmək, rüsvay etməkdir”.

Xalq artisti vurğulayıb ki, millətin mənəviyyatı İlhamənin mənəviyyatsızlığının təpiyi altındadır:

“Millətin, xalqın mənəviyyatı İlhamənin mənəviyyatının təpiyi altındadır. Bəs siz jurnalistlər niyə qorxursuz? Siz də azərbaycanlısınız, bir vətəndaş kimi olanlar axı sizə də aiddir. Sizlər imkan verdiz, o da mənəm-mənəm deyərək durdu. Böyüyü-kiçiyi, kişini-qadını – hər kəsi şantajla qorxudur. Nə vaxtsa başıma tac qoydum. Tac da deyildi, saç aksessuarı idi. Gecəsini gündüzünə qatdı, bunu tac elədi. Bununla sənin mənəviyyatın qalxacaq, mənliyin düzələcək? Sən ordenləri heçə çevirdin, heç nə etdin. Alın təriylə o ordeni alanları da öz tərbiyəsizliyinlə alçaltdın.

İlhamə yalandan danışır ki, guya onu söymüşəm. “Nanəli” verilişində mənim ünvanıma dişindən çıxanı dedi. Biçarə Nanə xanım canlı efirdə onu susdura bilmədi. Məni milləti bilinməyən biri, nəsilsiz elədi. Mənim mənşəyim bilinmir? Deyir ki, filankəs ermənidir. Mən erməniyəm? Mən Qarabağ qışqıranda sən harda idin? Bu millətin ağlı kəsir, gözü görür, qulağı eşidir. Kimi aldatdın? İndi heç olmaya yalanlarından əl çək”.

Flora xanım həmkarının köməkçisi Mehriban Hüseynovaya dəstək çıxıb:

“Köməkçin Mehribandan əl çək. Tutaq ki, onun qardaşı şəhid deyil. Qadının barmaqlıqlar arasında qalmağından ləzzət alırsan? Onu ora aparanın evində qadını, qızı yoxdu? Ailəsi yoxdu? Bilmir ki, bu qadını mənəviyyatsız bir insana görə 2-3 ayda həbsdə saxlayıb? 4-5 ay bir işi araşdırmaq olar? Əgər o dediyi kimi zəhərləmə olsaydı, xəstəxananın yekun rəyi ilə camaatın gözünü çıxardardı. Qəbul etdiyi Vitamın C-ni psixatrop dərman kimi qələmə verən İlhaməyə nə deyəsən? Əgər yadınızdadırsa, saytlarda video yayıldı. Mehriban xanım maşının içində yaxşı əhval-ruhiyyədə, gülə-gülə demişdi ki, İlhaməni Allah nə vaxt götürəcək? Canımız qurtarsın. Bax bu video əvvələr çəkilmişdi.

Daha sonra Mehriban xanım məhs o videoya görə üzr istəmişdi. İlhamə havadarları ilə bir yerdə videoların yerini dəyişdi. Bütün planlar 3 hissədən ibarət oldu.

Birinci hissə: İlhamə çıxış etdi ki, var-dövlətimi almaq üçün məni zəhərləyiblər. Bununla insanları inandırdı.

İkinci hissə: “Mehribanın üzr” videosunu böhtandan sonra camaata təqdim etdi. İnsanları inandırmağa müvəffəq oldu. Ağılsızlığı onda oldu ki, üzrün əsl səbəbini, yəni maşında.

Üçüncü hissə: İlhamənin haqqında gülə-gülə dediyi sözlərin görüntülərini internetdə yaydı. Bununla da özünü ifşa etdi. Bir şey də deyim… Bilmirəm Moskvada hüquqşunaslığı necə oxuyur. Hayasızcasına növbəti yalan! Elementar bir şeyi bilmir. Heç bir notarius heç kimin əmlakını başqasının adına yazdıra bilməz. Mütləq əmlakı bağışlayanın özü və onun imzası olmalıdır. Əgər xəstədirsə, o notarius nümayəndələri həmin xəstənin evində proseduru keçirməlidirlər. Biz isə onun cəfəngiyyatlarına inanıb yazıq Mehriban xanımı cani adlandırırıq.

Demək istəyirəm ki, İlhamənin həm özü savadsızdı, həm də savadlı insanları gic yerinə qoyur. Niyə bu savadlılar səsini çıxartmır? Necə olur ki, tükü tükdən seçən polis orqanları bu fərqə varmayıb? Aylarla o bədbaxt qızı barmaqlıqlar arasında saxlayıb mənəvi, bəlkə də fiziki işgəncə verirlər. Utanmırsız? İlhamə Quliyevadan o dərəcə də qorxursuz ki, kişi sözünün mənası yadınızdan çıxıb? Sizləri nə ilə şantaj edir?. Bilmirsiz ki, insanların sizə güvəni tükənir?”.

Həmçinin oxuyun

İradə Gülməmmədovanın əmlaklarının SİYAHISI

Abşeron İcra Hakimiyyətinin başçısı İradə Gülməmmədovaya məxsus əmlakların şok siyahısı üzə çıxıb. Siyahını təqdim edirik: …

Bir cavab yazın