Xalq artisti Brilliant Dadaşova instaqramda erməni musiqiçi Varujan Şahbazyanı tərifləməsinə etiraz edənlərə cavab verib.
“Qafqazinfo” xəbər verir ki, sənətçi sosial şəbəkədə rəqs edən videosunu paylaşaraq onu tənqid edənləri “yalançı vətənpərvər” adlandırıb:
“Əziz dostlarım, mənə “qara piar” edən “yalançı vətənpərvərləri” qınamayın. Döyüşlərin ən çətin və qızğın vaxtında səngərlərdə, döyüş meydanlarında əsgərlərimizə dəstək çıxışlarımdan yazmayacaqlar ki… Çünki göndərsən bunlar heç biri o döyüş meydanlarına yaxın getməzdir. Sizə gözəl əhval-ruhiyyə arzulayıram”.