Cümə axşamı , Aprel 25 2019
Ana səhifə / Aktual / “Birinci vitse-prezident zəlzələ ilə bağlı tapşırıq verdi” – Kəmaləddin Heydərov

“Birinci vitse-prezident zəlzələ ilə bağlı tapşırıq verdi” – Kəmaləddin Heydərov

Fövqəladə hallar naziri Kəmaləddin Heydərov Şamaxıda zəlzələ nəticəsində uçqun baş verən ərazilərə baş çəkib.

“Qafqazinfo”nun verdiyi xəbərə görə, nazir əraziyə baxış keçirdikdən sonra açıqlama verərək bildirib ki, gecədən başlayaraq Şamaxıda müxtəlif ballarda 3 təkan olub: “Cənab prezidentin tapşırığı ilə səhər tezdən bura gəlmişəm. Bizim əməkdaşlarımız rayon icra hakimiyyətinin əməkdaşları ilə birgə gecədən qəza olmuş ərazilərə və ya şikayət edən insanlara baş çəkiblər. Çox şükür ki, ölüm halları baş verməyib. Hadisədən təşvişə düşüb qaçarkən iki nəfərin ayağı, bir nəfərin qolu sınıb. Hazırda onlar müalicə alır. Ümumiyyətlə, 4 rayon üzrə 73 müraciət olub. Orada da ciddi fəsadların olmadığı qeyd olunub. 

Belə zəlzələdə fəsadların cüzi olması çox yaxşıdır. Evlərin uçması halı baş verməyib, sadəcə divarlar aşıb. Bununla bağlı da ölkə başçısının tapşırığı ilə komissiyalar birgə işləyəcək. Nəticələr bəlli olduqdan sonra qərar veriləcək. 

Birinci vitse-prezident, Heydər Əliyev Fondunun prezidenti Mehriban xanım Əliyeva da tapşırıq verib ki, fondun əməkdaşları könüllü olaraq əhaliyə kömək etsin”.

Həmçinin oxuyun

Bakıda müəllim şagirdi vuraraq hədələyib – Şikayəti polis araşdırır (FOTO)

Bakıda müəllim şagirdi vuraraq hədələyib, şikayəti polis araşdırır. “Report”un xəbərinə görə, Binəqədi rayon sakini Şahin …