Ana səhifə / Aktual / Baş prokuror Gəncədə vətəndaşları qəbul edəcək

Baş prokuror Gəncədə vətəndaşları qəbul edəcək

Azərbaycan Respublikasının Prezidenti cənab İlham Əliyevin tapşırığına və bölgələrdə vətəndaşların qəbulu cədvəlinə uyğun olaraq Baş prokuror Zakir Qaralov cari il mayın 24-də saat 10:00-da Gəncə şəhər prokurorluğunun inzibati binasında Gəncə şəhər, Samux və Göygöl rayon sakinlərinin qəbulunu keçirəcək.

Baş Prokurorluqdan Azinforum.az-a verilən məlumata görə, qəbulda vətəndaşların prokurorluq orqanlarının səlahiyyətlərinə aid olan müraciətlərinə baxılacaq.

Vətəndaşların qəbulla bağlı qeydiyyatı və Gəncə şəhərinə gəlmələrinin təşkili müvafiq rayon prokurorları tərəfindən həyata keçiriləcək.

Vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət etməklə yanaşı, Baş Prokurorluğun Müraciətlərə baxılması idarəsinin 437-28-79 nömrəli telefonu və [email protected] elektron poçt ünvanı vasitəsilə də qəbula yazıla bilərlər.

Həmçinin oxuyun

Oqtay Şirəliyevin səhiyyəsi onları Azərbaycandan qaçaq salır… – Qardaş Türkiyədə isə naxçıvanlılar daha böyük zülümlə üz-üzə qalırlar…

“Hürriyyət”də Azərbaycan səhiyyəsinin acınacaqlı vəziyyətindən dəfələrlə yazmışıq. Amma nə qədər yazsaq da vəziyyət dəyişmir ki, …