Şənbə , Dekabr 5 2020
Ana səhifə / Aktual / Baş nazirin sabiq birinci müavinindən Prezidentə müraciət – “Qarabağda könüllü işləməyə hazıram”

Baş nazirin sabiq birinci müavinindən Prezidentə müraciət – “Qarabağda könüllü işləməyə hazıram”

16 il Naxçıvan Muxtar Respublikasının  baş nazirinin birinci müavini işləmiş Asəf Məmmədov yenidən xalqa və dövlətinə könüllü xidmət etməyə hazır olduğunu bildirir. Asəf Məmmədov bununla bağlı ölkə rəhbərliyinə və ictimaiyyətə müraciət edib.

“Qafqazinfo”nun verdiyi xəbərə görə, A.Məmmədov müraciətində bildirib ki, cənab Prezident İlham Əliyevin rəhbərliyi ilə Azərbaycan daim yüksələn xətt üzrə inkişaf edib, ölkənin hər bir inzibati ərazisində abadlaşdırma, yenidənqurma işləri həyata keçirilib. Dövlət başçısının rəhbərliyi altında həyata keçirilən uğurlu siyasət nəticəsində xalqın rifahı yaxşılaşır, insanların maddi təminatı yüksək səviyyədə təmin olunur. Son günlərdə isə Azərbaycan Ali Baş Komandanı İlham Əliyevin rəhbərliyi ilə Azərbaycan Ordusu minilliyin tarixi hadisələrinə imza atır. Cənab Prezident hərbi əməliyyatlar zamanı diktə etdiyi daxili və xarici siyasət addımları ilə regionun və dünyanın liderlərindən biri olduğunu bir daha nümayiş etdirir.

Prezident İlham Əliyevin apardığı iqtisadi islahatlar nəticəsində son 17 ildə əhalinin rifahı, yaşayış və məşğulluq səviyyəsi əhəmiyyətli dərəcədə yüksəlib.

Cənab Prezidentin sərəncamlarının birində qeyd etdiyi kimi, əhalinin rifahının yüksəlməsi iqtisadiyyatın digər sahələri kimi, tikinti fəaliyyətinin də sürətli inkişafına rəvac verib. Bu da, öz növbəsində, şəhərsalma və tikinti sahəsində idarəetmə qarşısında müəyyən yeni çağırışlar və hədəflər formalaşdırır.

Asəf Məmmədov müraciətində bildirib ki, özünü xoşbəxt və fərəhli hiss edir ki, 41 illik dövlət məmuru təcrübəsi zamanı bir neçə dəfə onun rəhbərliyi ilə tikintisi və yenidənqurması həyata keçirilən obyektlərin açılışında cənab Prezident İlham Əliyev iştirak edib.

Asəf Məmmədov bundan sonra da işğaldan azad edilmiş ərazilərin yenidənqurulmasında bu təcrübəsindən dövlətin  yararlanması üçün hazır olduğunu qeyd edib.

A.Məmmədov qeyd edib ki, tapşırılacaq işləri könüllülük prinsiplər əsasında həyata keçirəcək.

O bildirib ki, 1977- ci ildən 2001- ci ilədək müxtəlif tikinti təşkilatlarında işləyib.Daha sonra iki il müddətinə Naxçıvan MR Şəhərsalma və Arxitektura Komitəsinin sədri vəzifəsini daşıyıb.2003-cü ildən 2018- ci ilədək Naxçıvan Muxtar Respublikasının baş nazirinin birinci müavini vəzifəsində işləyib.Naxçıvanın  əməkdar memarı , Naxçıvan Muxtar Respublikasının  Ali Məclisinin fəxri fərmanı və Prezidentin sərəncamı ilə ” Tərəqqi” medalı ilə təltif edilib. Asəf Məmmədov  baş nazirin birinci müavini olduğu müddətdə Muxtar Respublikanın rəhbərliyinin tapşırığına  uyğun olaraq 150- ə yaxın tam orta məktəbin, 100-ə yaxın  kənd mərkəzi, 50 – ə yaxın həkim  ambulatoriyası , 15- ə yaxın  xəstəxananın  tikilərək  təhvil  verilməsini  həmçinin Naxçıvan Mərkəzi Bankının , Culfa , Şahtaxtı,  Sədərək gömrük keçid məntəqələrinin tikintisinə  nəzarət edib.                        

 A. Məmmədov  xüsusi vurğulayıb ki, yenidənqurulmasına və abadlaşdırılmasına rəhbərlik etdiyi  dövlət obyektlərinin  bir çoxunun açılış mərasimində cənab Prezident İlham Əliyev  şəxsən iştirak edib.Bunların sırasında  Sədərək rayonunda Heyderabad  qəsəbəsinin yenidən qurulması,Babək rayonunda  yerləşən Heydər Əliyev Su Anbarının  və həmin anbarda su elektrik stansiyasının ( SES) tikintisi, Biləv(SES), Arpaçay SES ,Naxçıvan- Şahbuz, Şahbuz- Batabat,Naxçıvan-Culfa- Ordubad, Naxçıvan- Sədərək yolunun tikintisinə nəzarət edib. Asəf Məmmədov  qeyd edib ki, MR – dakı sərhədyanı  bütün hərbi obyektlərin tikilib təhvil verilməsinə  rəhbərlik edib.Eyni zamanda bildirib ki, mədəniyyət sahəsində və yenidənqurmalarla bağlı fəaliyyət göstərib.Naxçıvan MR- da Qarabağlar, Gülüstan, Möminəxatun, Yusif İbn Küseyr, Nuh peyğəmbər türbələrinin, Cuma məscidinin,  Naxçıvan Qala kompleksinin,Əshabi- Kəhv ziyarətgahının, Duzdağ fizioterapiya mərkəzinin  bərpasına rəhbərlik edib.A.Məmmədov  Heydər Əliyev adına saray, Naxçıvan Musiqi Kolleci, Naxçıvan  Dövlət Universiteti, Naxçıvan Dövlət Dram Teatrı, Naxçıvan Tibb kollecinin tikintisini həyata keçirib.Bundan başqa MR Daxili İşlər Nazirliyi, Dövlət Təhlükəsizlik Xidməti, Ədliyyə Nazirliyi, Ekologiya və Təbii Sərvətlər Nazirliyi, Miqrasiya İdarəsi, Baş Prokurorluq, Ali Məhkəmə vı bütün rayonların  prokurorluq və məhkəmə bunalarının yenidən qurulması və tikintisini həyata keçirib.

Həmçinin oxuyun

Paşinyan Azərbaycanla sərhədin demarkasiyasını şərh etdi

Ermənistanın Baş naziri Nikol Paşinyan hesab edir ki, Qarabağda münaqişənin kəskinləşməsindən sonra  Ermənistanla Azərbaycanın bərpa olunan sərhədi …