Cümə axşamı , Aprel 18 2019
Ana səhifə / Aktual / Bakı Nəqliyyat Agentliyi DYP-yə “rəhmət” oxudur – SƏBƏB

Bakı Nəqliyyat Agentliyi DYP-yə “rəhmət” oxudur – SƏBƏB

Tanınmış jurnalist Ramil Məmmədli idarə etdiyi aftomobilə Bakı Nəqliyyat Agentliyi (BNA) tərəfindən əsassız cərimə yazılması ilə bağlı fikirlərinı Azinforum.az-la bölüşüb. Jurnalistin bizə ünvanladığı şikayəti olduğu kimi təqdim edirik:

“Aprelin 12-də Bakı Nəqliyyat Agentliyindən (vasitəçi qurum AsanPay) mobil nömrəmə bildiriş daxil oldu. Bildirişə əsasən, mənə Bakı Nəqliyyat Agentliyinin (BNA) 0177206 saylı protokolu üzrə cərimə yazılıb. Məsələni aydınlaşdırmaq üçün BNA-nın 012 404 41 20 nömrəli telefonu ilə əlaqə saxladım. Bəlli oldu ki, aprelin 11-də mən avtomobili saxlayarkən dayanma-durma qayıdasını pozmuşam və buna görə də 20 manat cərimə olunuram. İradımı telefonda danışdığım BNA-nin nümayəndəsinə çatdırdım. Amma görünən odur ki, bunun hər hansı faydası yoxdur. Çünki BNA-da dayanma-durma qaydasının müəyyənləşdirilməsinə və Bakıdakı real vəziyyətə məntiqi yanaşma yoxdur. Mənim kimi hər gün onlarla, bəlkədə yüzlərlə sürücüyə bu cür “məntq”lə cərimə yazılır. Məsələnin ən acınacaqlı yeri də odur ki, BNA-da da bu “məntiq”ə və ya elə məntiqsizliyə haqq qazandırırlar.

İradım nədən ibarətdir və niyə cərimənin yazılmasına etiraz etdim?

Yuxarıda qeyd etdiyim kimi bəlli oldu ki, aprelin 11-də mən avtomobili saxlayarkən dayanma-durma qayıdasını pozmuşam və buna görə də 20 manat cərimə olunuram. Ancaq harada, hansı şəraitdə və saat neçədə?
Demək, aprelin 11-də saat 23.00 radələrində Bakının Nəsimi rayonu, Səməd Vurğun və Həsən Əliyev küçələrinin kəsişməsindəki işıqforu “Olimpik star” əyləncə mərkəzinə istiqamətdə keçdikdən təxminən 50 metr sonra sonra mobil telefonuma zəng gəldi. Bu zəngə cavab vermək məcburiyyətində olduğumdan avtomobili sağa çəkib saxladım və qısa vaxt kəsiyində danışığımı yekunlaşdırıb, yola davam etdim. BNA-nın mütəxəssisləri isə bu müddəti qanun pozuntusu hesab edərək, cərimə etmək qərarına gəliblər.

Niyə, bu vəziyyətdə sürücüyə cərimə yazılmamalıdır?

  1. Yolda maşın sıxlığı yox idi.
  2. Saat 23.00 keçdiyindən yolun həmin hissəsində saxlamaqla hərəktə mane olunmurdu.

Ən əsası hesab edirəm ki, adətən gecə saatlarında, xüsusən də tıxaca səbəb olacaq bir hərəkət edilmirsə məcburiyyətdən avtomobilini yol kənarında bir neçə dəqiqəlik saxlayan və maşını tərk etməyən sürücüyə cərimə tətbiq olunması məntiqsizlikdir. Ümumiyyətlə, “Anam mənə kor deyib, gəl gedənə vur deyib” prinsipi ilə vətəndaşa – sürücüyə yanaşmaq yanlışdır. BNA-ya qədər belə işləri həyata keçirən qurumların taleyinin nə ilə bitdiyinin şahidi də olmuşuq.

Son olaraq, buradan Bakı Nəqlyyat Agentliyinə müraciət edirəm:
Mən o cəriməni ödəyəcəyəm, buna imkanım da var. Digər tərəfdən bu məbləğə görə sizinlə məhkəmədə çəkişmək fikrim də yoxdur. Ancaq unutmayın ki, sizin dayanma-durma ilə bağlı bu cür məntiqsiz yanaşmanıza nə mən nə də minlərlə sürücü haqq qazandırmayacaq və gördüyünüz xeyirli işlərin də üzərindən xətt çəkəcək…”

Səslənən fikirlərlə bağlı BNA-nın da mövqeyini dərc etməyə hazırıq.

BNA-nın İctimaiyyətlə əlaqələr şöbəsinin rəhbəri Mais Ağayev jurnalitin şikayəti ilə bağlı fikirlərini bizimlə bölüşüb: “Bildirim ki, Ramil Məmmədlinin idarə etdiyi 90 OP 875 DQN-li avtomobillə dayanma və durma qaydasını pozduğu üçün barəsində cərimə sanksiyası tətbiq edilib. O, avtomobili dayanma və durmanın qadağan edən nişanın təsir zonasında saxlayıb. 5 dəqiqədən artıq müddətdə saxladığı üçün də cərimə edilib. Dayanma və durmanı qadağan edən nişan varsa heç bir halda saatından aslı olmayaraq saxlamaq olmaz. Bunu biz yox qanun deyir. Bu qanunun tələbidir”. Mais Ağayev Ramil Məmmədlinin idarə etdiyi avtomobilin qaydanı necə pozduğuna dair fotonu da bizə təqdim edib.


Həmçinin oxuyun

Dilçilik İnstitutundakı qalmaqal haqda açıqlama: – “İdris Abbasovun dedikləri həqiqəti əks etdirmir”

15 apreldə Hurriyyet.org saytında AMEA Nəsimi adına Dilçilik İnstitutunun Nəzəri dilçilik şöbəsinin müdiri, professor İdris …