Ana səhifə / Aktual / “Bakcell” “YAŞAT” Fondunun daha bir təşəbbüsünə qoşulub

“Bakcell” “YAŞAT” Fondunun daha bir təşəbbüsünə qoşulub

AZINFORUM.AZ: – “YAŞAT” Fondu və “Bravo” marketlər şəbəkəsinin birgə təşkilatçılığı ilə şəhid ailələri və tibb müəssisələrində yataq şəraitində müalicə alan ağır yaralanan qazilərə Novruz sovqatlarının paylanılması təşəbbüsünə “Bakcell” şirkəti də qoşulub.

Şirkətdən AZINFORUM.AZ-a verilən məlumata görə, layihə çərçivəsində tərəfdaş təşkilatların dəstəyi ilə hazırlanmış bayram sovqatlarından ibarət qutuların şəhid ailələri və yataq şəraitində müalicə alan ağır yaralanan qazilərimizə çatdırılması nəzərdə tutulur.

Məqsəd müvafiq kateqoriyadan olan şəxslərin daim, o cümlədən Novruz bayramı ərəfəsində diqqət mərkəzində saxlanılması, onların sosial qayğı ilə əhatə olunmasıdır.

“YAŞAT” Fondu şəhidlərimizin ailə üzvlərinin və qazilərimizin müraciətlərini diqqət mərkəzində saxlayır, onların müxtəlif ehtiyaclarının qarşılanması üzrə işləri davam etdirir.

Qeyd edək ki, “Bakcell”in daxil olduğu “NEQSOL Holding”in tərkibində olan şirkətlər “YAŞAT” Fonduna ümumilikdə 1,2 milyon manat məbləğində vəsait köçürüblər.

Həmçinin, Bakcell şirkəti Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək göstərmək istəyən abunəçilərinə “YAŞAT” fonduna öz balanslarından ianə etmək fürsəti təqdim edib. “YAŞAT” Fonduna edilən ianə üçün göndərilən SMS tamamilə pulsuzdur.

Həmçinin oxuyun

Rusiya miqrantları ölkədən qovur: Ən çox hansı ölkə zərər görəcək?

Xəbər verdiyimiz kimi Rusiya hökuməti MDB ölkələrindən olan 1 milyondan çox qanunsuz miqranta iyunun 15-nə …