Cümə , Oktyabr 30 2020
Ana səhifə / Aktual / “BƏZİ YERLƏRİ QƏSDƏN YANDIRIRLAR” – Kəmaləddin Heydərovdan sensasiyalı açıqlama+ VİDEO

“BƏZİ YERLƏRİ QƏSDƏN YANDIRIRLAR” – Kəmaləddin Heydərovdan sensasiyalı açıqlama+ VİDEO

Fövqəladə Hallar Naziri Kəmaləddin Heydərov son günlər ticarət mərkəzlərində baş verən yanğınlardan danışıb.

Nazir deyib ki, dünyanın heç bir yerində belə bir şey yoxdur ki, təbii fəlakətlərdən, texniki səbəblərdən baş verən hadisələrdə əhaliyə dəyən zərər kompensasiya olunsun: “Bu, prezident İlham Əliyevin, Heydər Əliyev Fondunun humanist addımları nəticəsində dəfələrlə ölkəmizdə baş verən hadisələr zamanı tətbiq olunub. Amma bu başqa dövlətlərdə yoxdur. Hər bir fərd öz həyatını sığorta edir.

Bizdə ticarət mərkəzləri tikilir, hər bir şeyi gözəl bəzəyirlər, amma onun sığorta məsələsinə diqqətsiz yanaşırlar. Və haqsız olaraq dövlətdən kompensasiya istəyirlər. Qanunvericilikdə hər bir şey öz əksini tapıb. Mallar necə sığortalanır bunların hamısı öz əksini tapıb.

Ona görə də bu sahədə FHN-in və bilavəsitə bu işlərlə məşğul olan dövlət qurumlarının fəaliyyəti artmalıdır. Bizim cəsur yanğınsöndürənlərimizin apardığı işlər sayəsində insan itkisi baş verməyib. Amma mülklərə zərər dəyib, yanıb. Bu sığorta mədəniyyətini mənimsətsək, gələcəkdə bu problemlər olmaz. Heç kim heç nədən sığortlanamyıb. Heç kim qarantiya verə bilməz ki, hansısa bir hadisə baş verməyəcək. Əhalinin özü də diqqətli olmalıdır. Bəzən biçilmiş taxıl sahələri yandırılır və bu da böyük zərər vurur.

Gələcəkdə bu məsələlərlə bağlı nəzarəti gücləndirmək və əhaliyə çatdırmaq lazımdır. Qurumlar bunu tam şəkildə maarifləndirsin. Artıq elə bir zaman yetişir ki, siz görürsünüz, ayrı-ayrı ölkələrdə meşə yanğınları baş verir, aylarla söndürülə bilməyən meşələr var, dağ əraziləri var. Məsələn, bizim də xatirimizdədir ki, bəzi yerləri qəsdən yandırırlar, meşələrdəki ağacları kəsib izi itirmək üçün yanğın əməllərinə əl atırlar və bu da cəmiyyətdə müxtəlif söz-söhbətlərə səbəb olur. Niyə yandı, necə yandı?..

Hər halda mətbuat orqanlarınin da diqqətinə çatdırmaq istəyirəm ki, bu və ya digər hadisəni FHN və digər qurumlar tərəfindən rəylər verilmədikcə öz bildikləri, öz düşündükləri kimi yazmaq məsələlərində diqqətli olsunlar”.

Ş

Həmçinin oxuyun

Paşinyan məmurları əvəzləməklə vaxt udmağa çalışır

Ermənistanın baş naziri Nikol Paşinyan Azərbaycan Ordusu qarşısındakı ardıcıl məğlubiyyətlərini cəmiyyətə heç cür izah edə …