Şənbə , Fevral 23 2019
Ana səhifə / Aktual / AzTV-də daha bir yenilik

AzTV-də daha bir yenilik

Azərbaycan Dövlət Televiziyasında film-tamaşalar ənənəsi uzun fasilədən sonra bərpa olunur. “Qafqazinfo”nun əldə etdiyi məlumata görə, Azərbaycantelefilm Yaradıcılıq Birliyinin yeni direktoru, xalq artisti, rejissor Ramiz Həsənoğlu bu vəzifəyə təyin edildikdən sonra sözügedən istiqamətdə işlərə start verilib. Artıq filmlərin siyahısı da dəqiqləşib. 

Bu qəbildən yazıçı Elçinin, dahi mütəfəkkir İmaddədin Nəsiminin, Rəsul Rzanın əsərləri, Cəfər Cabbarlının keşməkeşli həyatı, Anarın ssenarisi əsasında “Azad bir quş idim”, həmçinin Şah İsmayıl, Sultan Səlim Yavuz, Uzun Həsən və digər nüfuzlu tarixi şəxsiyyətlərin həyatına həsr olunan “Fatehlərin divanı”kimi çoxseriyalı filmlər də ekranlaşdırılacaq. 

Xatırladaq ki, AzTV-nin eks- sədri Arif Alışanov Prezidentin 15 yanvar sərəncamı ilə vəzifəsindən azad edilib. Onun səlahiyyətlərini kanalın gənc jurnalisti Rövşən Məmmədov icra edir. 

Həmçinin oxuyun

Ermənilər məşhur Azərbaycanlı jurnalisti öldürmək Istəyir: “Bəlkə də bu, sonuncu müraciətimdir” – VİDEO

Məşhur azərbaycanlı jurnalist Fuad Abbasov həyatının təhlükədə olduğunu açıqlayıb.Orman.az xəbər verir ki, son 2 ildir Türkiyə …