Ana səhifə / Aktual / AZƏRBAYCANLILARIN ŞUŞA-LAÇIN YOLUNDA AKSİYASI DAVAM EDİR: “Dinc ermənilərin keçidinə şərait yaratmağa hazırıq” – VİDEOLAR/FOTOLAR (Yenilənir)

AZƏRBAYCANLILARIN ŞUŞA-LAÇIN YOLUNDA AKSİYASI DAVAM EDİR: “Dinc ermənilərin keçidinə şərait yaratmağa hazırıq” – VİDEOLAR/FOTOLAR (Yenilənir)

“Dinc erməni əhalisinə məxsus mülki maşınların, təcili yardım maşınlarının keçidinə şərait yaratmağa hazırıq”.

Mia.az xəbər verir ki, bunu Şuşa-Laşın yolunda aksiyada iştirak edən ekofəal Nəzrin Əzizli deyib.

Onun spözlərinə görə, artıq aksiya iştirakçılarının əlaqə nömrələri internetdə yerləşdirilib: “Kiminsə ağır xəstəsi varsa, təcili yardımla bağlı problemi varsa, müraciət edə bilər. Ancaq neçə gündür ki, ekofəallar bunun üçün öz köməkliklərini təklif etsələr də, əlaqə vasitələrini internetlə yaysalar da, müraciət edən olmayıb”.

Xatırladaq ki, artıq ABŞ və Fransadan Laçın yolunda hərəkətin bərpa olunması barədə Azərbaycana çağırışlar edilib.

Rəsmi Bakı isə yolu azərbaycanlı aksiyaçılar deyil, Rusiya sülhməramlılarının bağladığlnı bəyan edib.

Bunu dünənPrezidentin köməkçisi Hikmət Hacıyev də diploamtlarla görüşdə səsləndirib.

Həqiqətən də rus sülhməramlıları əraziyə konteynr və hərbi maşınlar, həmçinin əlavə canlı üvvə yeridərək, yolu tam qapadıb.

***

Bu gün, yəni 14 dekabr 2022-ci il tarixində də azərbaycanlı QHT rəhbərləri və könüllülərinin Rusiya sülhməramlılarının müvəqqəti nəzarətində olan Şuşa-Xankəndi yolunda etiraz aksiyası davam edir.

Mia.az xəbər verir ki, iki gündür gecə-gündüz davam edən aksiyaya qoşulanların sayı durmadan artır.

Aksiya iştirakçıları Azərbaycanın ərazi bütövlüyünün müdafiəsi ilə bağlı, ölkəmizin təbii sərvətlərinin qanunsuz istismarına qarşı şüarlar səsləndirirlər.

İştirakçılar Qarabağ iqtisadi rayonunun bəzi ərazilərində müvəqqəti yerləşdirilmiş Rusiya sülhməramlı qüvvələrinin komandanı general-mayor Andrey Volkov əraziyə gələnə qədər etirazlarını davam etdirəcəklərini bildirirlər.

Qeyd edək ki, Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.

Xatırladaq ki, 2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.

***

13.12.2022.

Hava şəraitinin soyuq olmasına baxmayaraq, Şuşa-Xankəndi yolunda keçirilən etiraz aksiyası gecə saatlarında da davam edir.

Mia.az xəbər verir ki, etiraz aksiyasının iştirakçıları bu axşam da orada gecələməyə qərar veriblər.

Etiraz aksiyasında səsgücləndiricilər vasitəsilə vətənpərvərlik ruhunda mahnılar səsləndirilir.

***

Xankəndi yolunun üzərinə növbəti dəfə Azərbaycan bayraqları asılıb.

Mia.az xəbər verir ki, hazırda Rusiya sülhməramlılarının müvəqqəti nəzarətində olan Şuşa-Xankəndi yolunda QHT nümayəndələri, ekofəallar və könüllülərin iştirakı ilə keçirilən etiraz aksiyası davam edir.

Bayraqlar kran vasitəsilə aksiya iştirakçılarının alqışları ilə asılır.

Aksiyada “Azərbaycan oyaqdır, sərvətinə dayaqdır!”, “Yaşasın Azərbaycan!”, “Ekoloji terrora son!” şüarları səsləndirilir.

Onlar Rusiya sülhməramlı qüvvələrinin komandanı general-mayor Andrey Volkovun əraziyə gəlməsini tələb edirlər.

***

Rusiya sülhməramlıları Qarabağda faydalı qazıntı yataqlarının qanunsuz istismarı əleyhinə Şuşa-Xankəndi yolunda etiraz aksiyasının keçirildiyi əraziyə əlavə canlı qüvvə cəlb edib.

Mia.az xəbər verir ki, havanın soyuq olmasına baxmayaraq, aksiya iştirakçıları ərazidə qalmaqda qərarlıdırlar.

Məlumata görə, Şuşa-Xankəndi yolunda etiraz aksiyasının iştirakçıları bu gün də ərazidə gecələyəcək.

***

Rusiya sülhməramlılarının müvəqqəti nəzarətində olan Şuşa-Xankəndi yolunda QHT nümayəndələri, ekofəallar və könüllülərin iştirakı ilə keçirilən etiraz aksiyası davam edir.

Mia.az xəbər verir ki, aksiya iştirakçılarının təhlükəsizliyini təmin etmək üçün əraziyə Azərbaycan Daxili İşlər Nazirliyi Daxili Qoşunlarının (DQ) hərbçiləri ilə yanaşı, polislər də cəlb edilib.

İştirakçılar polislərin əraziyə gəlişini alqışlarla qarşılayıblar.

Aksiya hazırda “Azərbaycan oyaqdır, sərvətinə dayaqdır!”, “Yaşasın Azərbaycan!” şüarları ilə davam edir.

***

Rusiya sülhməramlılarının müvəqqəti nəzarətində olan Şuşa-Xankəndi yolunda keçirilən etiraz aksiyaları şüarlarla davam edir.

Mia.az xəbər verir ki, aksiya iştirakçıları “Ən böyük əsgər, bizim əsgər!”, “Şəhidlər ölməz, Vətən bölünməz!”, “Qarabağ Azərbaycandır!” şüarlarını səsləndirirlər.

Aksiya iştirakçıları Qarabağ iqtisadi rayonunun bəzi ərazilərdində müvəqqəti yerləşdirilmiş Rusiya sülhməramlı qüvvələrinin komandanı general-mayor Andrey Volkov əraziyə gələnə qədər etirazlarını davam etdirəcəklərini bildirirlər.

Qeyd edək ki, Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.

***

Azərbaycanlı fəalların Xankəndi yolunda etiraz aksiyası keçirdiyi əraziyə Rusiya sülhməramlıları üçün modul tipli yataqxanalar quraşdırılıb. 

Mia.az xəbər verir ki, “KamAZ” markalı avtomobillərlə əraziyə gətirilən konteynerlər ərazidə olan kran vasitəsilə yolun hərəkət hissəsinə qoyulub. 

Bu o deməkdir ki, Rusiya sülhməramlıları bu ərazidə uzunmüddətli müşahidə aparmağa hazırlaşırlar.

***

Laçın dəhlizində, Şuşa-Xankəndi yolunda keçirilən aksiyaya müxtəlif qurumların könüllüləri də qoşulub.

Mia.az xəbər verir ki, onların arasında gömrük könüllüləri, asan könüllülər və digər  könüllülər təşkilatının nümayəndələri də var. Ümumumilikdə aksiya iştirakçılarının sayı 500 nəfəri ötüb.

Eyni zamanda, qeyd edək ki, müxtəlif media qurumlarının rəhbərləri də aksiyada iştirak edir.

Hazırda aksiyaçıların sıralarına qatılmaq üçün axın var.

***

Rusiya sülhməramlılarının müvəqqəti nəzarətində olan Şuşa-Xankəndi yolunda keçirilən etiraz aksiyaları gecəboyu da davam edib.

Mia.az xəbər verir ki, bu barədə açıqlama verən QHT rəhbəri, jurnalist Niyaz Niftiyevin sözkərinə görə, bu dəqiqədə  aksiya öz axarı ilə gedir: “Aksiyamiz davam edir. Bütün gecəni Azərbaycan musiqilərini dinləməklə başa vurmuşuq. Hər şey qaydasındadır”.

Xatərladaq ki, etiraz aksiyası keçirən azərbaycanlı aktivist və QHT nümayəndələri bu axşam ərazidə quraşdırılan çadırlarda və tonqal başında gecələyiblər.

Hazırda aksiya iştirakçılarının sayı artmaqdadır və paytaxt Bakıdan aksiyanın keçirildiyi Şuşa-Xankəndi yoluna ictimai fəalların axını başlayıb.

Aksiya iştirakçıları səsucaldıcılarla “Volkov, cavab ver!”, “Ekoloji terrora son!” şüarlarını səsləndirir.

Aksiya iştirakçıları Qarabağ iqtisadi rayonunun bəzi ərazilərdində müvəqqəti yerləşdirilmiş Rusiya sülhməramlı qüvvələrinin komandanı general-mayor Andrey Volkov əraziyə gələnə qədər etirazlarını davam etdirəcəklərini bildiriblər.

Qeyd edək ki, Şuşa ərazisində Rusiya sülhməramlılarının nəzarətində olan yolun bir hissəsində etiraz aksiyası azərbaycanlı aktivistlər və ekologiya üzrə qeyri-hökumət təşkilatlarının (QHT) üzvləri tərəfindən Qarabağ iqtisadi rayonunda ekoloji terrora son qoyulması tələbi ilə keçirilir.

Xatırladaq ki, 2022-ci il dekabrın 3-də və 7-də Rusiya sülhməramlı kontingentinin komandanlığı ilə aparılmış müzakirələrin nəticəsi olaraq İqtisadiyyat Nazirliyi, Ekologiya və Təbii Sərvətlər Nazirliyi, İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin mütəxəssislərindən ibarət heyət Rusiya sülhməramlı kontingentinin müvəqqəti yerləşdiyi Azərbaycan ərazilərində faydalı qazıntı yataqlarının qanunsuz istismarı, bundan irəli gələn ekoloji və digər fəsadlarla bağlı ilkin monitorinq aparmalı idi. Lakin sülhməramlıların hərəkətsizliyi ucbatından monitorinq baş tutmayıb.

https://youtube.com/watch?v=06bIdgqB9nw
img
img
img
img
img
img
img
img

Həmçinin oxuyun

Quru sərhədlərin açılmaması ilə bağlı yeni versiyalar: Hökumət nədən çəkinir?

Azərbaycanın quru sərhədlərinin daha üç ay bağlı qalması ilə bağlı qəbul edilən axırıncı qərardan sonra …