Azərbaycanlı xanım sənətçi meşədə özünə villa tikdirib – FOTOLAR

Aşıq Zülfiyyə Tovuzda özünə villa tikdirir. Bəlkə gəlini ilə arası dəyən müğənni yaşamaq üçün birdəfəlik kəndə qayıdır?

Yenicag.az-a açıqlama verən sənətçi sualı gülüşlə qarşılayıb: “Bir oğlum var, ona görə də bir yerdə yaşayırıq. Oğlumdan inciyərəm, amma gəlinimdən yox. Tovuzun Alakol kəndində ev tikdirməyimin səbəbi ayrıdır. İstədim rayonda da bir evimiz olsun. Hər dəfə ora gedəndə kimisə narahat etmək istəmirəm. Uşaqlıqdan ən böyük arzum idi ki, meşənin içində evim olsun. Arzuma çatdım. Artıq tikili hazırdır. Özüm də indi kənddəyəm. Amma oğlum deyəsən, buralara gəlmək istəmir. Söz verdi ki, dincəlmək üçün Tovuza gələcək, amma İsmayıllını seçdi. Küsmüşəm ondan”.