Ana səhifə / Aktual / Azərbaycanlı uşaqların Qarabağ qazisi ilə videosu yayıldı

Azərbaycanlı uşaqların Qarabağ qazisi ilə videosu yayıldı

Vətənpərvər videolar hazırlamaqla Azərbaycanda məşhurlaşan Turxan, Nərgiz, Camal Museyibovların növbəti layihəsi 9 noyabr Azərbaycanda Dövlət Bayrağı Gününə həsr olunub.

Unikal.org xəbər verir ki, onlar bu videoda Qarabağ qazisi, 2015-ci ilin oktyabrında döyüş tapşırığı yerinə yetirərkən düşmənin naməlum minasının partlaması nəticəsində ayağını və gözünü itirmiş Kamil Musavi ilə birlikdə çəkiliblər. Şəhidlər Xiyabanında çəkilən videoda Vətənə, bayrağa sevgidən bəhs olunur. Sosial şəbəkədə paylaşılan video hər kəs tərəfindən maraqla qarşılanıb.

Extreme Film LLC-nin layihəsi olan videonun idea müəllifi Tural Müseyibov, rejissoru Emin Əhmədov, redaktoru Sevinc İsagəndərovadır.

Xatırladaq ki, Turxan, Nərgiz, Camal Museyibovlar keçmiş xəbər aparıcısı, hazırda Dövlət Dəniz Agentliyinin mətbuat xidmətinin rəhbəri Tural Müseyibovun övladlarıdır.

Həmçinin oxuyun

Quru sərhədlərin açılmaması ilə bağlı yeni versiyalar: Hökumət nədən çəkinir?

Azərbaycanın quru sərhədlərinin daha üç ay bağlı qalması ilə bağlı qəbul edilən axırıncı qərardan sonra …