Azinforum.az İnformasiya Portalı Onlayn Xəbər Portalı
Paytaxtda unikal cərrahiyyə əməliyyatı aparılıb. Xəstənin dilaltı nahiyəsinə qoldan götürülmüş toxuma köçürülüb, ağız boşluğundakı şiş götürüldükdən sonra çənəyə titan lövhə qoyulub.
Azərbaycan Tibb Universitetinin Tədris Cərrahiyyə Klinikasından virtualaz.org saytına bildiriblər ki, ağız boşluğunda və çənəsində şiş olan bir xəstədə şişlə yanaşı, çənənin bir qismi də götülürüb. Çənədən çıxarılan sümüyün əvəzinə isə titandan rekonstruktiv lövhə qoyulub.
Klinikanın Üz-çənə Cərrahiyyəsi şöbəsinin müdiri Məhəmməd Davudov bildirib ki, xəstədə hələ 4 il qabaq çənəaltı tüpürcək vəzində bədxassəli şiş müşahidə olunub. Törəmə çənə sümüyünə və dilaltı toxumalara da yayılıb.
Əməliyyat 6 saat davam edib.
