Çərşənbə axşamı , İyul 27 2021
Ana səhifə / Aktual / Azərbaycanlılarla quda olan məşhur əcnəbilər: Van Damm, keçmiş prezident, eks-səfir… – FOTO

Azərbaycanlılarla quda olan məşhur əcnəbilər: Van Damm, keçmiş prezident, eks-səfir… – FOTO

Dünyaca məşhur aktyor, Hollivud ulduzu Jan-Klod Van Dammın oğlunun azərbaycanlı qızla ailə qurması dünəndən sosial şəbəkələrdə müzakirə olunmaqdadır. Görürən odur ki, bu izdivac hələ bir müddət gündəmdə qalacaq.

Xatırladaq ki, 21 yaşlı azərbaycanlı pianoçu Suada Hacızadə ilə 34 yaşlı Hollivud aktyoru Kristofer Van Barenberqin nikahı iki gün öncə Azərbaycanın İstanbuldakı Baş konsulluğunda kəsilib.

Yeri gəlmişkən, Jan-Klod Van Damm azərbaycanlılarla qohum olan ilk əcnəbi məşhur deyil. Ondan əvvəl də azərbaycanlı qızları evinə gəlin köçürən əcnəbi məşhurlar olub.


Modern.az saytı xatırladır ki, belə əcnəbilərdən biri ABŞ-ın Azərbaycandakı keçmiş səfiri Stenli Eskuderodur.

Stenli Eskudero 1997-2000-ci illərdə ABŞ-ın Azərbaycandakı səfiri olub. Diplomatik missiyası başa çatdıqdan sonra o Bakıda qalmağa üstünlük verib. Eskudero burada özünə biznes qurub.

2008-ci ildə Bakının Nardaran qəsəbəsinin bir qrup sakini Eskuderonu onlara məxsus olan 30 hektar torpaq sahəsini ələ keçirməkdə ittiham edirdi. Eskudero isə bildirmişdi ki, o, torpaq sahəsinə qanuni sənədlərlə sahiblənib.

Eskudero hətta Bakıdakı “McDonalds” restoranlar şəbəkəsinin sahibi kimi də tanınırdı. Keçmiş səfir Nardaranda özünə dəbdəbəli villa da tikdirmişdi. O, bir müddət ABŞ-Azərbaycan Ticarət Palatasına rəhbərlik edib.

Stenli Eskuderonun gəlini Nigar Nəzərova-Eskudero bir neçə il öncə Xəzər sahilindəki məşhur “Sea Breeze” otelinin tanıtım reklamına çəkilmişdi.


Moldova kommunistlərinin lideri, bu ölkənin sabiq prezidenti Vladimir Voronin (2001-2009-cu illərdə Moldova prezident olub) də azərbaycanlı ilə qudadır. Vladimir Voronin nəvəsi Yekaterinanı (oğlu Oleq Voroninin qızı) azərbaycanlı məmur Musa Pənahovun oğlu Fuad Pənahova ərə verib.

Bu hadisə də Musa Pənahov nəqliyyat nazirinin müavini işlədiyi dövrdə – 2011-ci ilin iyununda baş verib. Həmin toy Bakıda, “Buta Palace” sarayında keçirilib. Azərbaycanlı məmur oğluna ərə gələn Yekaterina xanım Moldovanın ən zəngin adamı, eks-prezidentin oğlu Oleq Voroninin yeganə övladıdır. Cütlüyün Fransanın elitar kurort zonası olan Lacivərd sahillərində tanış olduqları barədə məlumat verilib.

2016-cı ilin avqustunda Yekaterina Voronina ilə Fuad Pənahovun Leyla adlı qızları dünyaya gəlib.

Musa Pənahov hazırda Nazirlər Kabinetində Kommunikasiya, tikinti və kommunal təsərrüfat məsələləri şöbəsinin müdir müavini postunda çalışır. O, 2004-cü ildən 2017-ci ilə kimi nəqliyyat nazirinin müavini vəzifəsini tutub.

Həmçinin oxuyun

QƏRARGAHDAN XƏBƏRDARLIQ: “Əgər epidemioloji vəziyyət pisləşsə, qapanmaya getməyə məcbur olacağıq”

“Əgər epidemioloji vəziyyət pisləşsə, qapanmaya getməyə məcbur olacağıq. Çünki insanlar ölür, xəstəxanalar dolur”. Azinforum.az xəbər verir …