Azərbaycanlı müğənninin Vyanada toyu oldu – Fotolar – Video

Bu gün azərbaycanlı müğənni, tenor Yusif Eyvazovun Rusiyanın tanınmış opera müğənnisi Anna Netrebko ilə toyu olub.

“Qafqazinfo”nun Rusiya mətbuatına istinadən verdiyi məlumata görə, cütlüyün nikahı Vyananın dəbdəbəli “Hofburq” sarayında baş tutub. Daha sonra onlar yaxınları ilə birlikdə toy mərasimlərinin keçiriləcəyi Lixtenşteyn sarayına gediblər.

Rusiyalı müğənni Filipp Kirkorov şahid kimi iştirak edib. Mərasimdə Iqor Krutoy və bir çox başqa musiqiçilər, bəstəkarlar və müğənnilər iştirak edib. Toya təxminən iki yüz qonaq dəvət olunub.

Qeyd edək ki, 44 yaşlı Anna Netrebko ilə 38 yaşlı Yusif Eyvazov ötən ilin avqustunda nişanlanıblar. A. Netrebkonun uruqvaylı bariton Ervin Şottla nikahından 7 yaşlı Tyaqo adlı oğlu var.