Şənbə , Fevral 23 2019
Ana səhifə / Aktual / Azərbaycanlı milyarder ” boz kardinal”la çəkişir –Vahid Ələkbərov ” sona qədər gedəcəyik!” mesajını verib

Azərbaycanlı milyarder ” boz kardinal”la çəkişir –Vahid Ələkbərov ” sona qədər gedəcəyik!” mesajını verib

Rusiyanın “Lukoil” neft şirkətinin prezidenti Vahid Ələkbərov dövlət neft şirkəti “Rosneft”lə yeni çəkişmə içərisindədir. Rusiya KİV-lərinin yaydığı məlumata görə, bu dəfə çəkişmənin predmeti “Lukoil” və “Rosneft” şirkətlərinin yaratdığı birgə müəssisədə -“Başneft-Plyus”da neftin daşınması tarifləridir.
Vahid Ələkbərov RBK-ya bildirib ki, “Rosneft”lə Arktikadakı Varandey terminalından neftin daşınması tariflərinə görə yaranmış mübahisədə “sona qədər getməyə” hazırdır. Hazırda mübahisəyə federal Antiinhisar Xidməti baxır.
“Əgər antiinhisar komitəsi məsələni həll etməsə məhkəmə instansiyalarında mübarizəni davam etdirəcəyik. Qalib gələnə qədər!”-Ələkbərov deyib. Azərbaycanlı milyarder deyib ki, “Rosneft”lə anlaşmaq çətindir.
Arktikadakı Varandey neft terminalı Ələkbərovun şirkətinə məxsusdur. Mübahisə “Rosneft”in Tatarıstanın dövlət neft şirkəti “Başneft”in nəzarət səhm paketini almasından sonra baş verib. Bu sövdələşmə nəticəsində “Rosneft”in prezidenti, Kremlin “boz kardinalı” və uzun müddətdir Vahid Ələkbərovla çəkişib onu sıradan çıxarmağa çalışan İqor Seçin məcburən onun ortağına çevrilib. Çünki səhmlərinin 75 faizi “Başneft”ə məxsus olan “Başneft-Plyus” şirkətində “Lukoil”un 25 faiz payı var.
Bu birgə müəssisə Yamal-Nen muxtar vilayətinin şimalında iki neft yatağında hasilat aparır. Həmin yataqlardan hasil olunan neft “Lukoil” şirkətinin terminalı üzərindən daşınır. Daşınmanın tarifləri həm Ələkbərov, həm Seçin üçün mühümdür. Çünki “Başneft-Plyus” nefti “Lukoil-Litasco” treyder şirkətinə satır. Bu zaman daşınma xərci çıxılır.
Hazırda bu tarif hər tona görə 38 dollardır, “Rosneft” isə tarifin 3 dəfə aşağı salınmasını istəyir. V.Ələkbərov isə bildirir ki, terminal kommersiya müəssisəsidir və onun “Rosneft”lə ortaq müəssisəyə dəxli yoxdur. Ona görə də tarifləri aşağı sala bilməz. (virtualaz.org)

Həmçinin oxuyun

Ermənilər məşhur Azərbaycanlı jurnalisti öldürmək Istəyir: “Bəlkə də bu, sonuncu müraciətimdir” – VİDEO

Məşhur azərbaycanlı jurnalist Fuad Abbasov həyatının təhlükədə olduğunu açıqlayıb.Orman.az xəbər verir ki, son 2 ildir Türkiyə …