Cümə axşamı , May 26 2022
Ana səhifə / Aktual / Azərbaycanın iki şəhərindən qızları aldadıb Türkiyəyə apardılar, növbə ilə… – TƏFƏRRÜAT

Azərbaycanın iki şəhərindən qızları aldadıb Türkiyəyə apardılar, növbə ilə… – TƏFƏRRÜAT

İnsan alverində təqsirləndirilən Məsdan Dadaşova və Gülnarə Məhərrəmovanın cinayət işləri üzrə ibtidai istintaq başa çatıb.

Cinayət işləri üzrə toplanan materiallar baxılması üçün Bakı Ağır Cinayətlər Məhkəməsinə göndərilib. M.Dadaşovanın işi hakim Rasim Sadıxov, G.Məhərrəmovanın işi isə Azad Məcidovun icraatına verilib.

Əldə etdiyimiz məlumata görə, 1962-ci il təvəllüdlü Məsdan Dadaşova 2019-cu ilin oktyabr ayından 2020-ci ilin yanvar ayının ortalarınadək zərərçəkmişləri Türkiyənin Aksaray şəhərinə aparıb. Zərərçəkmişlər 1982-ci il təvəllüdlü G.S, 1983-cü il təvəllüdlü G.S və 1987-ci il təvəllüdlü K.K-dır. Onların hər üçü Sumqayıt şəhərində yaşayıblar. Məlumata əsasən, Məsdan Dadaşova hər üç qurbanını növbə ilə Türkiyənin qeyd olunana şəhərinə aparıb və orada onları fahişəliyə cəlb edib. Onun barəsində Cinayət Məcəlləsinin 144-1.2.1-ci (insan alveri, iki və daha artıq şəxsə qarşı törədildikdə) maddəsi ilə ittiham elan olunub.

Reklamınızı SmartBee ilə effektiv edin.
Digər təqsirləndirilən şəxs 1975-ci il təvəllüdlü Gülnarə Məhərrəmovanın əməlindən isə 4 qadın zərər çəkib. Onlar 1985-ci il təvəllüdlü Z.B, 1989-cu il təvəllüdlü S.Q, 1997-ci il təvəllüdlü Z.T və 2001-ci il təvəllüdlü Ə.M-dır. Onların hər biri Şəmkir rayonunda yaşayıblar. G. Məhərrəmova 2019-cu ilin fevral ayından 2021-ci ilin fevral ayınadək qurbanlarını Türkiyənin Balıkesir şəhərinə, Burhaniye qəsəbəsinə aparıb. Daha sonra onları müxtəlif kişilərlə cinsi istismara sövq edib.

G. Məhərrəmova barəsində də Cinayət Məcəlləsinin 144-1.2.1-ci (insan alveri, iki və daha artıq şəxsə qarşı törədildikdə) maddəsi ilə ittiham elan olunub.
 //lent.az//

Həmçinin oxuyun

ƏDV-nin 30 faizi qaytarılacaq – Yeni qaydalar təsdiqləndi

“Fiziki şəxs olan istehlakçılar tərəfindən Azərbaycan Respublikasının ərazisində bina tikintisi fəaliyyəti ilə məşğul olan şəxslərdən …