Çərşənbə axşamı , Noyabr 24 2020
Ana səhifə / Aktual / Azərbaycanın əfsanəvi “Ağdam” şərabı Ukrayna bazarlarında

Azərbaycanın əfsanəvi “Ağdam” şərabı Ukrayna bazarlarında

Azərbaycanın əfsanəvi “Ağdam” şərabı Ukraynanın bazarlarında satışa çıxarılıb.

Bu barədə Ukraynada fəaliyyət göstərən “Tovuz-Vino” şirkətinin rəhbəri Elimxan Mahmudov məlumat verib.

Onun sözlərinə görə, keçmiş Sovet İttifaqı dövründə ən çox satılan “Ağdam” şərabı Ukraynanın tanınmış “AŞAN”, “NOVOS” “MEQA” hipermarketlərində, SOCAR-ın yanacaqdoldurma məntəqələrindəki marketlərdə satışa çıxarılıb.

E.Mahmudov bildirib ki, “Az-Granata” Məhdud Məsuliyyətli Cəmiyyətə məxsus “Ağdam” şərabına Ukrayna bazarında satışa çıxarılan ilk həftədən maraq artıb: “Keçmiş Sovet İttifaqı dövründə “Ağdam” şərabı məşhurluğu ilə tanındığından, bu gün də insanların bu şəraba marağı böyükdür. “Ağdam” portveyni ilk dəfə 1948-ci ildə istehsal olunub. Onun sovet ölkələri tərəfindən bu qədər sevilməsinin əsas səbəbi tərkibində spirtin miqdarının 19 dərəcə, şəkərin isə 8 faiz olması idi. Bu da onun içilməsini rahatlaşdırırdı”.

Qeyd edək ki, Azərbaycana məxsus 50-yə yaxın adda şərab və spirtli içki məhsulları Ukraynanın iri ticarət obyektlərində satışa çıxarılıb. Bunların arasında “Şuşa” brendi də məşhurdur. Yaxın vaxtlarda isə Azərbaycanın “Qarabağ” brendi şərabı Ukrayna bazarında satışa çıxarılacaq.

Həmçinin oxuyun

Ermənistan ordusunun acınacaqlı vəziyyəti – VİDEO

İkinci Qarabağ müharibəsi bitsə də, Ermənistanda ordu ilə bağlı problemlər səngimir. Ermənistan rəhbərliyi məğlub ordunun …