Çərşənbə , Aprel 21 2021
Ana səhifə / Aktual / Azərbaycanda hansı hərbçilərin maaşı artıb? -AÇIQLAMA

Azərbaycanda hansı hərbçilərin maaşı artıb? -AÇIQLAMA

Post-müharibə dövrünün bir sıra təhdidlərini, xidmətin xüsusiyyətlərini, qulluq və sosial-məişət şəraitinin mürəkkəbliyini nəzərə alaraq Müdafiə nazirinin müvafiq əmrinə əsasən hərbi qulluqçuların vəzifə maaşlarına müddətli əlavələr müəyyən edilib.

Bu barədə Müdafiə Nazirliyi məlumat yayıb.

Əmrə əsasən, Azərbaycan Ordusunun Ermənistanla dövlət sərhədində və Azərbaycanın Qarabağ bölgəsində Rusiya Federasiyası sülhməramlı kontingentinin yerləşdirildiyi zonaya bitişik ərazilərdə hərbi xidmət keçən hərbi qulluqçuların vəzifə maaşlarına 100 faiz həcmində müddətli əlavələr təyin edilib.

Vəzifə maaşlarına əlavələr nəzərdə tutulan hərbçilərlə bağlı danışan hərbçi ekspert Ədalət Verdiyev bildirib ki, bu ödənişlərin artıq həyata keçirilməsinə başlanılıb:

“Müharibədən sonrakı dövrdə, xüsusilə Qarabağ ərazisinin azad edilməsində iştirak edən və hazırda həmin ərazidə çətin coğrafi iqlim şəraitind, yüksək dağlıq mövqelərdə xidmət aparan, sosial məişət şəraiti şəhər şəraiti ilə eyni olmayan zabitlərin əmək haqlarının qaldırılması nəzərdə tutulub. Bu ödənişlərin artıq həyata keçirilməsinə başlanılıb.

Yanvar-fevral ayları üçün hərbçilərimiz həm əvvəlki ayın kəsirlərini, həm də bu ayın əlavələrini artıq alıblar. Təbii ki, bu hal cəmiyyət tərəfindən çox müsbət qarşılanıb”.

Həmçinin oxuyun

İtkin düşmüş hərbi qulluqçuların axtarışları davam etdirilir

Ermənistan silahlı qüvvələrinin və Dağlıq Qarabağda fəaliyyət göstərmiş qanunsuz erməni silahlı birləşmələrinin ölkəmizə qarşı növbəti …