Cümə , Oktyabr 30 2020
Ana səhifə / Aktual / Azərbaycanda hakimlərin fəaliyyəti elektron sistemlə qiymətləndiriləcək

Azərbaycanda hakimlərin fəaliyyəti elektron sistemlə qiymətləndiriləcək

“Azərbaycanda məhkəmə fəaliyyəti ilə bağlı informasiya-analitik hesabat elektron sistem tərəfindən avtomatik hazırlanacaq. Artıq belə bir elektron sistemin yaradılması üzərində iş gedir”.

APA-nın məlumatına görə, bun bu gün Vəkillər Kollegiyası “Vəkilliyin elektron məhkəmə informasiya sisteminə inteqrasiyası” mövzusunda keçirilən tədbirdə Ədliyyə Nazirliyinin “Elektron Məhkəmə” informasiya sistemi üzrə İşçi Qrupunun rəhbəri, hakim Ramin Qurbanov bildirib.

R. Qurbanov deyib ki, bu elektron sistemdə hakimlərin məhkəmədə çıxardığı qərarları və bu qərarlara Apelyasiya Məhkəməsinin münasibəti əsasında hakimlərin qiymətləndirilməsi meyarından istifadə ediləcək: “Bu elektron qiymətləndirmə sistemi gələcəkdə vəkillərin fəaliyyətinin qiymətləndirilməsi ilə bağlı Vəkillər Kollegiyasının sistemində də yaradılsa, yaxşı olardı”.

R. Qurbanov vəkillərə hüquqi müdafiə bağlı ödəmələrin elektron qaydada köçürülməsinin vacib olduğunu da vurğulayıb.

Həmçinin oxuyun

Qarabağda sonuncu erməni qalanadək: İrəvandakı “müharibə partiyası”nın intihar qərarı

Ermənistan haqq elədiyini axır ki, almaqdadır. Özü də artıqlaması ilə. Təcavüzkar ölkənin terrorçu və faşist …