Ana səhifə / Aktual / AXCP-nin aksiya çağırışları ilə bağlı – DİN-dən xəbərdarlıq

AXCP-nin aksiya çağırışları ilə bağlı – DİN-dən xəbərdarlıq

Daxili İşlər Nazirliyi (DİN) Azərbaycan Xalq Cəbhəsi Partiyasının (AXCP) Bakı Şəhər İcra Hakimiyyətinin önündə piket keçirmək çağırışlarına münasibət bildirib.

DİN-in Mətbuat Xidmətinin bölmə rəisi Zeyni Hüseynov “Qafqazinfo”ya bildirib ki, icazəsiz aksiya cəhdlərinin qarşısı alınacaq:

“Bakı Şəhər İcra Hakimiyyəti AXCP-nin icra hakimiyyətinin önündə piket keçirilməsini məqsədəuyğun hesab etməyib. Buna baxmayaraq, həmin partiyanın bir qrup üzvü piketin keçiriləcəyi haqda sosial şəbəkələrdə məlumatlar paylaşırlar.

Piket üçün nəzərdə tutulan yer təhsil müəssisələrinin yerləşdiyi, nəqliyyatın intensiv hərəkət etdiyi və insan sıxlığının yüksək olduğu ərazi olduğundan orada aksiya keçirilə bilməz. Ona görə də 2019-cu ildə qeydə alınmış analoji neqativ halın təkrarlanmasına imkan verilməyəcək, cəhd ediləcəyi təqdirdə isə qarşısı alınacaq.

Xatırladırıq ki, qanunvericiliklə icazə verilməyən yerlərdə kütləvi tədbirlərin keçirilməsinə görə təşkilatçılar məsuliyyət daşıyırlar”.

Həmçinin oxuyun

Quru sərhədlərin açılmaması ilə bağlı yeni versiyalar: Hökumət nədən çəkinir?

Azərbaycanın quru sərhədlərinin daha üç ay bağlı qalması ilə bağlı qəbul edilən axırıncı qərardan sonra …