Anar Nağılbaz: “Bir az borcum var, kim ödəyə bilər?”

Musavat.com bildirir ki, reper bu barədə öz “Facebook” səhifəsində yazaraq qeyd edib ki, borclarını ödəyə bilmir.

Reper onun borclarını ödəyən şəxsə maraqlı təklif də edib: “Artıq işsizliyimi bilməyən qalmadı. Sağ olsun, bütün media əhli “Lider” TV, “Xəzər” TV, Kanal 13, Kanal 24, musavat.com, çoxluq təşkil edən xəbər portalları… Klublar və restoranlar konkret tədbirlər edin, ideyanı biz verək lazım gəlsə, təzə ifalarla… Televiziyalarda montaj, rejissor, assistent, sürücü, ən uzaq yeri “security”də işləyə bilərəm. Bir də ki, bir az borcum var, kim ödəyə bilər? Yoxsa kişinin borcu olar? Əvəzində 90 və 2000-ci illərin CD və kasetlərindən hədiyyə edirəm. Qeyri-konkret təkliflər, sözlər, internetdə öz malının satışı barədə yazmayın. Mahnı satışı, rep və ingilis dili kursları da realdır. Bax belə. Qınayan, öz boşqabına baxsın!”

Xatırladaq ki, bir müddət bunda əvvəl də reper 2013-cü ildən bu vaxta qədər işsiz olduğunu deyərək, elan vermişdi. Reper hətta satıcı belə, işləməyə hazır olduğunu bildirmişdi.