Şənbə , May 25 2019
Ana səhifə / Aktual / “Alpinistlərlərin meyiti üzərində travma aşkarlanmayıb” – Səhiyyə Nazirliyi

“Alpinistlərlərin meyiti üzərində travma aşkarlanmayıb” – Səhiyyə Nazirliyi

Qubada tapılan alpinistlərlərin meyitlərinin üzərində heç bir travma – sınıq, xəsarət və travma izi aşkar edilməyib.

 

Bu abrədə Səhiyyə Nazirliyindən Moderator.az-a verilən məlumatda bildirilib.

 

Rəsmi məlumata görə, hazırda meyitlərlə bağlı Səhiyyə Nazirliyinin Məhkəmə-tibbi Ekspertiza və Patoloji Anatomiya Birliyinin Bakı şəhərində yerləşən laborator şöbələrində müayinələr aparılır. Müayinələr başa çatdıqdan sonra müvafiq rəy tərtib ediləcək və nəticələr Quba rayon Prokurorluğuna təqdim ediləcək.

Alpinistlərin dəqiq ölüm səbəbləri isə müayinələr başa çatdıqdan sonra məlum olacaq.

Qeyd edək ki, 2017-ci dekabrın 23-də “Gilavar” hava və ekstrim idman klubunun 3 üzvü – Fəridə Cəbrayılzadə, Babur Hüseynov və Namin Bünyatzadə Quba rayonundan Tufandağ istiqamətində hərəkət edərkən onlarla əlaqə kəsilib.

Fövqəladə Hallar Nazirliyinin peşəkar xilasedicilərindən ibarət dəstələrin və Ekologiya və Təbii Sərvətlər Nazirliyinin əməkdaşlarının iştirakı ilə aparılan axtarışlar nəticəsində mayın 16-da axşam saatlarında axtarışların aparıldığı ərazidə alpinistlərə aid çadırın yeri müəyyən edilib, 3 meyit (2 kişi və 1 qadın) və alpinistlərə aid digər əşyalar aşkar edilib.

Həmçinin oxuyun

Akif Çovdarov azadlığa gedən yolun astanasında

“MTN işi” üzrə tutulan 22 nəfərdən həbsdə 10 nəfər qalıb; “Rabitə işi”ndə tutulan 11 nəfər …