Ana səhifə / Aktual / Alimpaşa Məmmədovun marallarından daha hansı məmurda var – Açıqlama

Alimpaşa Məmmədovun marallarından daha hansı məmurda var – Açıqlama

Şəmkir Rayon İcra Hakimiyyətinin sabiq başçısı Alimpaşa Məmmədovun maral fermasının üzə çıxması son günlərin müzakirə olunan mövzularındandır.

Daha çox çöldə yaşayan və qiymətli heyvan sayılan maralları adətən xüsusi qoruqların ərazisində görmək mümkündür.

Alimpaşa Məmmədovun bu cür fermanı hansı məqsədlə saldığı, marallardan nə üçün istifadə etdiyi məlum deyil. Bəs bu maralları dövlət tərəfindən müsadirə edilibmi?

Məsələ ilə bağlı müvafiq qurumdan rəy ala bilmədik. Lakin hüquqşünaslar bildirirlər ki, həmin maralların qanunla müsadirəsi mümkündür.

Məlumdur ki, Azərbaycanda əksər məmurun bağı, villası, çöl sahəsi var. Həmin sahələrdə cinayət yolu ilə əldə edilmiş heyvanlar saxlanılırmı? Bunun üçün yoxlamanın aparılması mümkündür?

Bu və ya digər məsələlərlə bağlı “Yeni Müsavat”a danışan hüquqşünas Əsabəli Mustafayev bir sıra maraqlı məqamlara toxundu. Ə. Mustafayev bildirdi ki, həmin marallar da şəxsin mülkünə daxildir:

“Bu heyvanlar qiymətli sərvətə aiddir. İstər hansısa antik əşyalar olsun, istərsə də qiymətli heyvanlar, bahalı ağaclar, bunların hamısı dəyərdir. Əgər sübut olunursa ki, bunlar rüşvət, qanunsuz pullarla alınıb, o zaman müsadirə bütün canlı-cansız əşyaların hər birinə aid edilir. Xüsusi olaraq da təbiətin mühafizəsindən məsuliyyət daşıyan qurumların mütəxəssisləri ilə birlikdə yoxlamaları daha geniş formada aparmaq olar. Burada iki yanaşma mövcuddur. Buna həm nadir heyvanlar kimi yaxınlaşılır, həm də cinayət yolu ilə əldə edilən pul vəsaiti hesabına alınan dəyər kimi yanaşılır. Əlbəttə ki, bu, cinayət işinin tərkibində yoxlama, araşdırma predmetidir. Ortaya çıxarılmalıdır ki, bu  heyvanlar cinayət yolu ilə əldə edilən vəsait hesabına alınıb, yoxsa yox. Ola bilər ki, şəxs bunu xaricdən alıb. Yaxud da özü bəsləyib, yetişdirib. Başqa bir variantda isə həmin şəxsin bunu meşədən tutub, gətirməsi də ola bilər. Əgər sonuncu variantdırsa, bu da başqa bir cinayət tərkibi yaradır. Özü yetişdiribsə, saxlamanın özü cinayət əməli sayılmır. Lakin  cinayət yolu ilə əldə edilən əmlak olduğu üçün dəymiş zərərin ödənilməsi məqsədilə müsadirə edilə bilər”.

Əsabəli Mustafayev: "Prokurorluğun vəkildən qisas almağa çalışması düzgün  deyil" - BBC News Azərbaycanca

 Əsabəli Mustafayev

Hüquqşünas bildirib ki, digər məmurların da əmlakını məhkəmə qərarı ilə yoxlamaq mümkündür:

“İstənilən yoxlama ancaq məhkəmə qərarı ilə aparıla bilər. Bundan ötrü isə hüquqi əsas olmalıdır. Araşdırma, cinayət işi olmalıdır ki, məhkəmə ona icazə versin. Sonradan da məhkəmənin icazəsi alına bilər. Qanunda göstərilir ki, əgər təxirəsalınmaz əməliyyat keçirmək lazımdırsa, öncə əməliyyatı keçirib, sonra məhkəməyə bu barədə məlumat verirsən və təsdiqini alırsan. Lakin hansısa şübhə əsasında kiminsə həyətinə, ərazisinə girib, yoxlama aparmaq qanunsuz sayılır”.

Həmçinin oxuyun

Ərdoğandan Şuşa səfəri ilə bağlı daha bir açıqlama

“NATO zirvəsindən sonra Azərbaycana səfər edəcəm”. Bunu bu gün Brusselə səfərdən öncə keçirilən mətbuat konfransında …