Ana səhifə / Aktual / “Alət kimi bir gecəlik olmasın…” – İtkin düşən alpinistin şeiri

“Alət kimi bir gecəlik olmasın…” – İtkin düşən alpinistin şeiri

Xəbər verdiyimiz kimi, “Gilavar” Hava və Ekstrim İdman Klubunun 3 üzvü itkin düşüb. Onların axtarışı bir həftədən artıqdır ki, davam etsə də, hələki bir nəticə verməyib. 

“Qafqazinfo” xəbər verir ki, sosial şəbəkələrdə Fəridə Cəbrayılzadə, Babur Hüseynov və Namin Bünyatzadənin fotoları paylaşılır, dostları onlarla birgə yaşadığı xatirələri bölüşürlər.

Onlar arasında F, Cəbrayılzadənin ötən ilin sentyabr ayında yazdığı şeiri feysbukda müzakirə mövzusuna çevirilib.

Sözügedən şeiri təqdim edirik:

Bir qızım olsun
Sahib ola bilmədiklərimi ona verə bilim,
Ola bilmədiklərimi deyim

Bir qızım olsun
Necə möhkəm ayaq üstdə dayanmağı öyrədim,
Əclafların qarşısında üzülməməyi öyrədim.
Qadın kömək istəyənin dadına çatmaq üçün yumruğunun qaldırar

Bir qızım olsun,
Söz versin, insanlara tez inanmasın,
Tez ürəkdən bağlanıb, qucağını açmasın,
Alət kimi bir gecəlik olmasın,
Eşq təcrübəsi olsun, bədəninə görə arzulanmasın
Aciz olmasın, sükut etməsin
Yüksəklərdə qanad çırparkən süqut etməsin.

Bir qızım olsun
Dul qalsa əgər,
Təhqir olunmağına izn verməsin.
Başqalarının əmlakı olmadığını bilsin,
Möminlərin bir saatlıq siğəsi olmadığını bilsin.

Bir qızım olsun,
Ona deyim ki, səsinə cəsarət qatsın
Bilsin ki, onun saçlarından kimsəyə zərər olmaz,
Əgər ana ola bilməsə kişilər ölməz !

Bir qızım olsun
Evli qadına rəhm edə bilsin,
Kişi icazəsi olmadan nəfəs ala bilsin,
İstəyirəm Quşları Qəfəs’siz çəkə bilsin.
Mələk olsun istəmirəm..səhvləri olsun,
İstəyirəm qadın olsun..qadın ölsün.

Budur qadınlıq!
Bir qızım olsun
Bilsin ki, dünya onun üçün yaxşı yer olacaq,
Kimsə qadına şiddətə cəhd etməyəcək.
Kimsə onu incitməyəcək.

Həmçinin oxuyun

Quru sərhədlərin açılmaması ilə bağlı yeni versiyalar: Hökumət nədən çəkinir?

Azərbaycanın quru sərhədlərinin daha üç ay bağlı qalması ilə bağlı qəbul edilən axırıncı qərardan sonra …