“Adi qızlar da lütlənib, oğlumu kimlə evləndirim?” – Nadir gileyləndi

Müğənni Nadir Qafarzadəni yenə əsəbiləşib.

O, sosial şəbəkədə hovuzda çəkdirdiyi fotosunu paylaşıb və bunları yazıb:

“Həmişə belə şəkilləri paylaşmağa həya eləmişəm. Fikirləşmişəm ki, ayıbdır. Ancaq görürəm ki, indi ayıb heç nə yoxdur. Tamaşaçıya da belə şəkillər maraqlıdır. Mən də “avropalı” olmaq istəyirəm. Nə qədər soyunsaq, bir o qədər irəli gedə bilərik. Təhqir yazanlar, yazdıqlarınızın hamısı özünüzsünüz. Nə qədər soyunsaq, bir o qədər irəli gedə bilərik. Lütlənmək üzrə müsabiqə keçirilsə, ölkələr arasında biz birinci yerdə olarıq.

Yaxşı ki, mən hovuz kənarındayam. Şəhərdə isə erotik filmlərə bənzər mənzərə doludur. Artıq striptiz göstərən klublara getməyə ehtiyac yoxdur. Vallah səhnə adamları yalan olub. Adi insanlar günü-gündən soyunur (60-70 faiz). Gəl indi oğul evləndir. Bu sözlər hamıya şamil olunmur. Müğənniləri haradasa başa düşmək olar. Səhnə adamlarıdır. Onlar adi adamlardan fərqlənməlidir. Vallah indi abırlı geyinənə “çuşka” deyirlər”.(big.az)