Bazar , Oktyabr 25 2020
Ana səhifə / Aktual / Abel Məhərrəmovu BDU-da kim əvəzləyir? – AÇIQLAMA

Abel Məhərrəmovu BDU-da kim əvəzləyir? – AÇIQLAMA

“Hələ ki, Abel Məhərrəmovu heç  kim əvəz  etmir. Hazırda otağı da boşdur. Gözləyirik…”. 
Bunu Modern.az-a açıqlamasında Bakı Dövlət Universitetinin sabiq rektoru Abel Məhərrəmlinin müşaviri Məzahir Sultanov deyib.
Müşavir bildirib ki, digər məsələlər barədə məlumatı yoxdur.
“Abel müəllimdən sonra onu kimin əvəz edəcəyini deyə bilmərəm. Abel müəllimin dövründə universitetdə 5 prorektor olub. Bundan sonra dəyişikliyin necə olacağı, universitetə müvəqqəti olaraq hansı prorektorun rəhbərlik edəcəyi barədə məlumatım yoxdur”.
Qeyd edək ki, dünən prezident İlham Əliyev Bakı Dövlət Universitetinin rektoru Abel Məhərromovun vəzifəsindən azad edilməsi haqqında sərəncam imzalayıb.
Abel Məhərrəmov 1976-cı ildən Azərbaycan Dövlət Universitetində çalışırdı. O, əvvəlcə universitetdə baş elmi işçi, baş müəllim, dosent, tədris hissəsinin müdiri, dekan müavini vəzifələrində çalışıb.
1991-ci ildən Bakı Dövlət Universitetinin professoru, 1993–1999-cu illərdə kimya fakültəsinin dekanı olub. 1999-cu ildən Bakı Dövlət Universitetinin rektoru idi.

Həmçinin oxuyun

Qubadlı rayonu Ermənistan ərazisindən artilleriya atəşinə tutulur – Müdafiə Nazirliyi

Döyüş mövqelərini itirərək geri çəkilməyə məcbur edilən düşmən Ermənistanın Gorus rayonu istiqamətindən Azərbaycanın Qubadlı rayonunun …