Çərşənbə , Noyabr 25 2020
Ana səhifə / Aktual / “5500 pul veririk, müəllim uşaqlara “tupoy” deyir” – “Evrika”dan şikayət

“5500 pul veririk, müəllim uşaqlara “tupoy” deyir” – “Evrika”dan şikayət

Övladları “Evrika” liseyinin 6 D sinfində təsil alan bir qrup valideyn dərs prosesindən narazı olduğu üçün redaksiyaya müraciət edib.
Azinforum.az xəbər verir ki, valideynlər “Qafqazinfo”ya bildiriblər ki, lisey rəhbərliyi onların şikayətlərinə biganə yanaşır:
“Özəl liseydə təhsil daha keyfiyyətli olar deyə övladımızı bu təhsil müəssisəsinə qoymuşuq. İldə nə az, nə çox 5500 manat pul ödəyirik. Otaqlarda kamera sistemi var və dərsləri onlayn izlədiyimiz zaman dəfələrlə sinifdə özbaşınalığın olduğunu, uşaqların müəllimə məhəl qoymadığını görmüşük. Sinif rəhbərlərinin yaşı 60-dan çoxdur, uşaqları sakitləşdirə bilmir. Müəllimlərin dərs davamiyyəti də çox aşağıdır, boş dərslər əvəz olunmur. Musiqi müəlliməsi hər dəfə sinfə girəndə uşaqlara “tupoy” deyir. Direktora, köməkçilərinə müraciət edirik, şikayətimizə baxılmır”.
Valideynlər liseydə müşahidə etdikləri problemlərlə bağlı Təhsil Nazirliyinə də müraciət edib. Qurumdan cavab olaraq bildirilib ki, onlar özəl liseylərə cavabdeh deyil.
Şikayətlə bağlı liseyin direktoru Ofeliya Muradova ilə əlaqə saxlayıb. Direktor valideynlərin narazılıqlarının haqsız olduğunu, liseydə bütün valideyn şikayətlərinin dinlənildiyini bildirib:
“Valideynlər tərəfindən yönləndirilmiş bütün suallara baxırıq və cavab veririk”.

Həmçinin oxuyun

Ordumuzun Kəlbəcərə daxil olmasının yeni – Videosu

Müdafiə Nazirliyi Azərbaycan Ordusunun bölmələrinin Kəlbəcər rayonuna daxil olmasının yeni videogörüntülərini yayıb.  ” Azinforum.az ” …